तेल शुद्धीकरण कारखान्यांवरील हल्ल्यांमुळे रशियाची कोंडी

गेल्या आठवड्यात ‘सेंट पीटर्सबर्ग इंटरनॅशनल मर्केंटाइल एक्सचेंज’वर ए-९५ गॅसचे घाऊक दर विक्रमी उच्चांकावर पोहोचले होते. त्यात जानेवारीच्या तुलनेत सुमारे ५० टक्क्यांनी वाढ झाली आहे. उत्तर कोरियाच्या सीमेला लागून असलेल्या प्रिमोरी प्रदेशात पेट्रोल पंपांवर लांब रांगा लागत असून, येथे सुमारे ७८ रूबल प्रति लिटर (अंदाजे ३.५८ डॉलर प्रतिगॅलन) दराने पेट्रोल मिळत असल्याचे वृत्त माध्यमांनी दिले आहे. विशेष म्हणजे येथील नागरिकांचे सरासरी मासिक वेतन सुमारे १,२०० डॉलर इतके आहे. स्थानिक वृत्तसंस्था ‘प्रिम्प्रेस’च्या पत्रकारांना असे आढळून आले की, काही चालक प्रतिलिटर २२० रूबल (सुमारे १०.१२ डॉलर प्रति गॅलन) ऑनलाइन पेट्रोल विकत होते.