संघाचा अजेंडा राबवल्याने मी एनडीएतून बाहेर पडलो – उपेंद्र कुशवाह

साडेचार वर्षाच्या कालावधीत भाजपाने जनतेला दिलेली कोणतीही आश्वासने पूर्ण केली नाहीत. तर त्यांनी केवळ संघाचा अजेंडा राबविला आहे. त्यामुळे एनडीएमधून बाहेर पडण्याचा निर्णय घेतला असे बिहारचे राष्ट्रीय लोक समता पार्टीचे प्रमुख उपेंद्र कुशवाह यांनी सांगितले. पुण्यात आयोजित करण्यात आलेल्या पत्रकार परिषदेत त्यांनी पत्रकाराशी संवाद साधला. ते पुढे म्हणाले, भाजप सरकारमध्ये मंत्रिमंडळात असताना कोणत्याही विषयावर चर्चा न करता पंतप्रधान कार्यालयातून निर्णय घेतले गेले आहेत. त्यामुळे आम्ही सरकारमधून बाहेर पडण्याचा निर्णय घेतला.