Visa May Be Revoked If You Skip Classes US Embassy Warns Indian Students |"...तर व्हिसा होईल रद्द", अमेरिकेत शिक्षण घेणाऱ्या भारतीय विद्यार्थ्यांना इशारा

भविष्यातील व्हिसासाठी पात्र होण्यासाठी विद्यार्थी व्हिसाच्या नियमाचं पालन करा, असा इशारा अमेरिकेकडून देण्यात आला आहे.

अमेरिकेच्या दूतावासाची पोस्ट (फोटो - संग्रहित छायाचित्र)

America Visa : अमेरिकेत बेकायदा राहणाऱ्या भारतीयांविरोधात भूमिका घेतल्यानंतर आता अमेरिकन प्रशासनाने भारतीय विद्यार्थांना इशारा दिला आहे. अमेरिकन संस्थांमध्ये शिक्षण घेताना अभ्यासक्रम सोडला तर भविष्यातील व्हिसासाठी पात्रता गमावू शकता, असं अमेरिकन दूतावासाने एक्स पोस्टमध्ये म्हटलं आहे.

सोशल मीडिया प्लॅटफॉर्म X वरील एका पोस्टमध्ये, भारतातील अमेरिकन दूतावासाने विद्यार्थ्यांना त्यांच्या व्हिसाच्या अटींचे पालन करण्यास आणि कोणत्याही समस्या टाळण्यासाठी त्यांचा विद्यार्थी दर्जा कायम ठेवण्यास सांगितले.

“जर तुम्ही शैक्षणिक संस्थांना न कळवता अभ्यासक्रम सोडला, लेक्चर्सना बसला नाहीत किंवा तुमचा अभ्यासक्रम सोडला तर तुमचा विद्यार्थी व्हिसा रद्द केला जाऊ शकतो आणि भविष्यातील अमेरिकन व्हिसासाठी तुम्ही पात्रता गमावू शकता. तुमच्या व्हिसाच्या अटींचे नियमित पालन करा आणि कोणत्याही समस्या टाळण्यासाठी तुमचा विद्यार्थी दर्जा कायम ठेवा”, असं पोस्टमध्ये म्हटले आहे.

If you drop out, skip classes, or leave your program of study without informing your school, your student visa may be revoked, and you may lose eligibility for future U.S. visas. Always adhere to the terms of your visa and maintain your student status to avoid any issues. pic.twitter.com/34wJ7nkip0
— U.S. Embassy India (@USAndIndia) May 27, 2025

X वरील मागील पोस्टमध्ये, दूतावासाने असा इशारा देखील दिला होता की जर एखादी व्यक्ती तुमच्या अधिकृत राहण्याच्या कालावधीपेक्षा जास्त काळ युनायटेड स्टेट्समध्ये राहिली तर तुम्हाला हद्दपार केले जाऊ शकते आणि भविष्यात युनायटेड स्टेट्समध्ये प्रवास करण्यावर कायमची बंदी येऊ शकते.”

This quiz is AI-generated and for edutainment purposes only.

हेही वाचा

“…तर अमेरिकेत येण्यावर कायमची बंदी घालू”, अमेरिकेचा भारतीयांना थेट इशारा

साडेचार हजारांहून अधिक परदेशी विद्यार्थ्यांना परवानगी नाकारली

स्थलांतरित आणि परदेशी नागरिकांवरील कारवाईचा एक भाग म्हणून, ट्रम्प प्रशासनाने ४,७०० आंतरराष्ट्रीय विद्यार्थ्यांची शिक्षण घेण्याची परवानगी रद्द केली आहे. कमी कालावधीत कोणतेही स्पष्टीकरण न देता ही परवानगी रद्द करण्यात आली. न्यायालयीन सुनावणीत, गृह सुरक्षा विभागाच्या अधिकाऱ्यांनी सांगितले की त्यांनी विद्यार्थी व्हिसा धारकांची नावे एफबीआय-संचालित डेटाबेसद्वारे चालवली आहेत.

Web Title: Visa may be revoked if you skip classes us embassy warns indian students sgk

American Student Visa : “…तर व्हिसा होईल रद्द”, अमेरिकेत शिक्षण घेणाऱ्या भारतीय विद्यार्थ्यांना इशारा

साडेचार हजारांहून अधिक परदेशी विद्यार्थ्यांना परवानगी नाकारली