scorecardresearch

Premium

Uttarkashi Tunnel Rescue : १७ दिवस, ४१ कामगार; उत्तरकाशी ऑपरेशनमध्ये ‘या’ ऑस्ट्रेलियन व्यक्तीची ठरली मोलाची मदत

Silkyara Tunnel Collapse Rescue : अर्नॉल्ड डिक्स हे इंटरनॅशनल टनेलिंग अँड अंडरग्राउंड स्पेस असोसिएशन (जिनेव्हा) चे अध्यक्ष आहेत. तसंच त्यांच्याकडे भूगर्भशास्त्रज्ञ, अभियंता आणि वकील यासारख्या इतर पदव्याही आहेत.

Who is Arnold Dix
अर्नाल्डो डिक्स कोण आहे? (फोटो – पीटीआय)

Uttarkashi Tunnel Rescue Operation Update : उत्तरकाशीच्या सिल्कियारा बोगद्यात अडकलेल्या ४१ कामगारांना तब्बल १७ दिवसांनी बाहेर काढण्यात यश आलं आहे. या अतिमहत्त्वाच्या आणि आव्हानात्मक ठरलेल्या ऑपरेशनसाठी देशातील विविध यंत्रणा कार्यरत होत्या. तसंच, अनेक आंतरराष्ट्रीय यंत्रणांनीही त्यांचे प्रयत्न पणाला लावले होते. यामध्ये आंतरराष्ट्रीय बोगदा तज्ज्ञ अर्नॉल्ड डिक्स यांचाही समावेश होता. ऑस्ट्रेलिअन असलेले डिक्स हे जिनिव्हा येथील इंटरनॅशनल टनेलिंग अँड अंडरग्राउंड स्पेस असोसिएशनचे प्रमुख आहेत. भूमिगत बांधकामाशी संबंधित कायदेशीर, पर्यावरणीय, राजकीय जोखीम ते स्वीकारतात.

अर्नॉल्ड डिक्स हे इंटरनॅशनल टनेलिंग अँड अंडरग्राउंड स्पेस असोसिएशन (जिनेव्हा) चे अध्यक्ष आहेत. तसंच त्यांच्याकडे भूगर्भशास्त्रज्ञ, अभियंता आणि वकील यासारख्या इतर पदव्याही आहेत. अर्नॉल्ड डिक्स यांनी मेलबर्न येथील मोनाश विद्यापीठातून विज्ञान आणि कायद्याची पदवी प्राप्त केली आहे. त्यांच्या संकेतस्थळावरील माहितीवरून ते कुशल वकील असल्याचंही सांगितलं जातंय. या बोगद्यात अडकलेल्या कामगारांना बाहेर काढण्याच्या ऑपरेशनमध्ये अर्नॉल्ड डिक्स २० नोव्हेंबर रोजी दाखल झाले होते.

loksatta kutuhal french computer scientist dr yann andre lecun deep learning and the future of ai zws 70
कुतूहल : यान आंद्रे लकून : डीप लर्निंगचे गॉडफादर
job opportunity in indian navy
नोकरीची संधी : इंडियन नेव्हीमधील भरती
Friend Request drama theater Directed by Kumar Sohoni
‘फ्रेन्ड रिक्वेस्ट’ रंगभूमीवर दाखल
jobs recruitment
नोकरीची संधी: इस्रोमधील शास्त्रज्ञ होण्याची संधी

हेही वाचा >> Uttarkashi Tunnel Rescue : हुश्श! १७ दिवसांची मेहनत फळाला, बोगद्यात अडकलेले ४१ कामगार सुखरुप बाहेर, ‘असा’ पार पडला अंतिम टप्पा

गेल्या तीस वर्षांहून अधिक काळ अर्नॉल्ड डिक्स कार्यरत आहेत. या तीन दशकांत त्यांनी अनेक भूमिका बजावल्या आहेत. भूमिगत सुरक्षेबाबत त्यांचं कार्य मोलाचं ठरलं आहे. २०१६ ते २०१९ या काळात त्यांनी कतार रेड क्रिसेंट सोसायटी (QRCS) मध्ये स्वयंसेवकाचे कार्य देखील केले. २०२० मध्ये, अर्नॉल्ड डिक्स यांनी लॉर्ड रॉबर्ट मायर पीटर विकरी QC मध्ये सामील होऊन अंडरग्राउंड वर्क्स चेंबर्स तयार केले. ते भूगर्भातील जटिल आणि गंभीर आव्हानांसाठी तांत्रिक आणि नियामक पर्याय सुचवतात.

आज बचावकार्याला सुरुवात केल्यानंतर ते म्हणाले होते की, बचाव कार्य पूर्णत्वास येत असल्याने बरे वाटत आहे. रॅट होल मायनिंग तज्ज्ञांनी शेवटचे काही मीटर ढिगाऱ्यातून खणून काढले. तसंच, या पर्वताने आम्हाला नम्रपणा शिकवला असल्याचंही ते म्हणाले..

बोगद्यात अडकलेल्या कामगारांना बाहेर काढण्यासाठी सर्वतोपरी प्रयत्न सुरू होते. तांत्रिक पद्धतीने त्यांना बाहेर काढण्याचं काम चालू असताना अनेकांनी देवाकडेही प्रार्थना सुरू ठेवली होती. त्याचप्रमाणे अर्नॉल्ड डिक्स यांनीही त्याच्या पद्धतीनुसार, देवाकडे प्रार्थना केली होती. ख्रिसमसपर्यंत अडकलेल्या ४१ कामगारांना घरी पोहोचवण्याचं त्यांचं उद्दीष्ट्य होतं. परंतु, त्यांचं हे उद्दीष्ट्य त्याआधीच पूर्ण झालं. तसंच, दरम्यान, डिक्स यांनी बचाव कार्यातील प्रगतीला विलक्षण म्हटले होते.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Who is arnold dix tunnelling expert india will thank for uttarkashi rescue sgk

First published on: 28-11-2023 at 23:20 IST

संबंधित बातम्या

तुम्ही या बातम्या वाचल्या आहेत का? ×