“उत्तर प्रदेश जिंकणं भाजपासाठी सोपं नाही, कारण…”; प्रवीण तोगडियांचा इशारा

या निवडणुकीत भाजपाला कोणत्या कारणांमुळे फटका बसेल, याबद्दल बोलताना तोगडिया म्हणाले की, “शेतकरी आंदोलना सोबतच, कृषी उत्पादनाला हमी भाव दिला नसल्याने शेतकरी मोठ्या प्रमाणात नाराज आहेत, याचा फटका भाजपाला बसण्याची शक्यता आहे.” यावेळी त्यांनी युक्रेनमध्ये अडकलेल्या भारतीय विद्यार्थ्यांबद्दल भाष्य केलं.  

युक्रेनमधून विद्यार्थ्यांना बाहेर काढण्यात उशीर झाला

“युक्रेन-रशिया युद्धात भारताने तटस्थ राहण्याची भूमिका योग्यच आहे. युक्रेन मधून विद्यार्थ्यांना बाहेर काढण्याचं काम १५ फेब्रुवारीला सुरू करण्याची आवश्यकता होती, मात्र भारताने उशीर केल्यामुळेच एका विद्यार्थ्यांला आपला जीव गमावला लागला आहे, असे तोगडिया म्हणाले. युक्रेन मध्ये उणे १० डिग्री तापमानात विद्यार्थी शेकडो किलोमीटर पायी चालत आहे, हे निंदनीय असून विद्यार्थ्यांना तात्काळ बाहेर काढण्यासाठी मंत्र्यांनी तिथे जाऊन यंत्रणा राबवावी,” अशी मागणी प्रवीण तोगडिया यांनी केली.