scorecardresearch

Premium

‘रमैया वस्तावैय्या’चा नेमका अर्थ काय? ‘जवान’मुळे चर्चेत आलेल्या या गाण्याचं एका वेटरशी आहे खास कनेक्शन

शाहरुखच्या आगामी ‘जवान’ चित्रपटात या गाण्याचे मुख्य शब्द ‘रमैया वस्तावैय्या’ वापरुन एक रिमेक गाणे नुकतेच सादर करण्यात आले

ramaiya-vastavaiya-song-meaning
फोटो : सोशल मीडिया

श्री ४२० हा चित्रपट १९५५ साली प्रदर्शित झाला होता. या चित्रपटाचे दिग्दर्शन आणि निर्मिती राज कपूर यांनी केली होती. यामध्ये नर्गिस, नादिरा आणि स्वतः राज कपूर हे मुख्य भूमिकेत होते. यातील ‘रमैया वस्तावैय्या’ हे गाणे प्रचंड गाजले. ६८ वर्षांनंतरही लोकांच्या ओठावर हे गाणे ऐकायला मिळत आहे. आता पुन्हा हे गाणे चर्चेत आले आहे ते म्हणजे शाहरुख खानच्या आगामी ‘जवान’ चित्रपटामुळे.

शाहरुखच्या आगामी ‘जवान’ चित्रपटात या गाण्याचे मुख्य शब्द ‘रमैया वस्तावैय्या’ वापरुन एक रिमेक गाणे नुकतेच सादर करण्यात आले. कित्येक वर्षांपासून लोकांच्या मनात अढळ स्थान निर्माण करून बसलेलं हे गाणं आणि यामागील एक खास किस्सा आपण जाणून घेणार आहोत. ‘रमैया वस्तावैय्या’ हे गाणं नेमकं कसं सुचलं? त्यातील या शब्दांचा अर्थ नेमका काय? यामागे एक रंजक कथा आहे, तीच आपण आजच्या लेखातून जाणून घेणार आहोत.

delivery boy was robbed pune
पुणे : कोयत्याच्या धाकाने डिलिव्हरी बॉयला लुटले
minor girl ran away from forest half-naked young man who tried to rape was arrested
मुलीने अर्धनग्नावस्थेत जंगलातून काढला पळ… बलात्कार करण्याचा प्रयत्न करणाऱ्या युवकाला अटक
tree-cutting_8b16ee
धक्कादायक! पुण्यात होणार २२ हजार झाडांची कत्तल?
ram temple
राम मंदिरामुळे अयोध्या ठरणार मोठी बाजारपेठ, वेगवेगळ्या कंपन्यांची जाहिरातींसाठी शर्यत; जाणून घ्या काय घडतंय?

आणखी वाचा : ‘जवान’मध्ये दाक्षिणात्य कलाकारांची मांदियाळी का? बॉलिवूडच्या ‘या’ स्ट्रॅटेजीविषयी जाणून घ्या

राज कपूर यांच्या चित्रपटातील ‘रमैया वस्तावैया’ या गाण्याचे शब्द शैलेंद्र यांनी लिहिले होते. लता मंगेशकर, मोहम्मद रफी आणि मुकेश यांनी याला आवाज दिला तर शंकर-जयकिशन, हसरत जयपुरी आणि शैलेंद्र यांना चित्रपटातील गाणी संगीतबद्ध करण्याची जबाबदारी देण्यात आली होती. यासाठी हे चौघे बऱ्याचदा खंडाळ्याला जायचे, तिथे हायवेच्या कडेला असलेल्या ढाब्यावर थांबायचे.

यावेळीही हे चौघे त्याच ढाब्यावर गेले होते. तिथे काम करणाऱ्या वेटरचे नाव रमैय्या असे होते. शंकर हैदराबादमध्ये लहानाचे मोठे झाले असल्याने त्यांना तेलुगू भाषा येत होती. शंकर यांनी रमैय्याला तेलुगूमध्ये ऑर्डर देण्यासाठी बोलावले. पण तो व्यस्त होता. काहीवेळ शंकर त्याला म्हणाले ‘वस्तावैय्या?’ तेलुगूमध्ये याचा अर्थ इथे येणार की नाही? यानंतर शंकर ‘रमैया वस्तावैया’ गुणगुणायला लागले.

मग काय, रमैया वस्तावैय्यापुढे शैलेंद्रने ‘मैने दिल तुझको दिया’ जोडले आणि ते अशाप्रकारे हे अजरामर गाणे जन्माला आले. हे गाणे चित्रपटात वापरण्यासाठी राज कपूर यांनी एक खास सीनही तयार केला होता. शाहरुख खानच्या ‘जवान’ चित्रपटामुळे पुन्हा हे गाणे चर्चेत आले आहे. ‘जवान’ ७ सप्टेंबर रोजी चित्रपटगृहात प्रदर्शित होणार आहे.

Latest Comment
View All Comments
Post Comment

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Do you know what is actual meaning of ramaiya vastavaiya song how this song was created avn

First published on: 01-09-2023 at 09:00 IST

संबंधित बातम्या

तुम्ही या बातम्या वाचल्या आहेत का? ×