scorecardresearch

Premium

‘गौडबंगाल’ हा शब्द मराठी भाषेला कसा मिळाला? काय आहे नेमका अर्थ?

काहीतरी गौडबंगाल आहे असं आपण अनेकदा वाचतो, म्हणतो. हा शब्द कुठून मराठी भाषेत आला माहीत आहे का?

What is the Meaning Of Marathi Word GaudBangal?
गौडबंगाल शब्द आणि बंगाल यांचा काही संबंध आहे का? (फोटो-अमेय येलमकर, ग्राफिक्स टीम, लोकसत्ता ऑनलाईन)

काहीतरी गौडबंगाल आहे असं वाक्य अनेकदा आपल्या कानांवर पडतं. गौडबंगाल हा शब्द आपल्याला बऱ्याच काळापासून परिचित आहे. बातम्यांमध्येही हा शब्द आपण अनेकदा वाचला आहे. कथांमधून, लेखांमधून या शब्दाचा परिचय आपल्याला झाला आहे. गौडबंगाल या शब्दाचा अर्थ काय आपण समजून घेऊ?

गौडबंगाल म्हणजे काय?

एक काळ असा होता की आपला देश हा जादूटोण्याचा देश म्हणून ओळखला जात असे. मध्यबंगाल ते ओरिसा हा प्रांत गौड प्रांत म्हणून ओळखला जात होता. कारण हा संपूर्ण प्रांत काळ्या जादूसाठी ओळखला जात असे. जादू हा शब्द उच्चारला की अनेकांना आजही बंगाली जादू आठवते. त्यावेळी देशात कुठेही वेगळी किंवा गूढ घटना घडली तर ती गौड किंवा बंगाली लोकांनीच केलेली करामत असावी असा समज अनेकदा व्हायचा. त्यावरुन अद्भुत, चमत्कारीक गूढ घटनेमागे गौडबंगाल आहे असं म्हटलं जाऊ लागलं. त्यामुळेच हा शब्द अस्तित्वात आला गौडबंगाल. आजही तो वापरला जातोच हे विशेष.

importance of Marathi Bhasha Gaurav Din
मराठी भाषा गौरव दिनाचे मर्म
What Is The Meaning Of Word Candidate Know About This
उमेदवारी पक्की! पण ‘उमेदवार’ शब्दाचा मूळ अर्थ काय? मराठी भाषेत हा शब्द आला कुठून? जाणून घ्या रंजक गोष्ट
Amin Sayani
अग्रलेख: संस्कृतीचे आवाज!
a child girl told What do we call a samosa in English
VIDEO : समोस्याला इंग्रजीत काय म्हणतात? चिमुकलीने सांगितले… पाहा भन्नाट व्हिडीओ

मराठी भाषेत काही शब्द फारसी भाषेतून आले आहेत. तर काही शब्द संस्कृत भाषेतून आले आहेत. तर गौडबंगाल हा शब्द चक्क एका प्रांतावरुन आला आहे. ‘कहाणी शब्दांची’ मराठी भाषेच्या जडणघडणीची या सदानंद कदम यांनी लिहिलेल्या पुस्तकात हा अर्थ देण्यात आला आहे. त्यामुळे आता तुम्ही जर कुठे गौडबंगाल असा शब्द वाचलात तर तुम्हाला तो शब्द प्रांतवरुन आला आहे हे कुणालाही सहज सांगता येईल.

Latest Comment
View All Comments
Post Comment

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: How did the marathi language get the word gaudbangal what exactly does that mean scj

First published on: 07-12-2023 at 11:08 IST

संबंधित बातम्या

तुम्ही या बातम्या वाचल्या आहेत का? ×