scorecardresearch

Premium

Postal Voting म्हणजे नक्की काय? याद्वारे कुणाला मतदान करता येतं? नेमकी प्रक्रिया कशी असते?

पोस्टल बॅलेट नक्की काय असते? याद्वारे कुणाला मतदान करता येतं? याचा सविस्तर आढावा…

what is postal ballot voting
Postal Voting म्हणजे नक्की काय?

अलीकडेच मध्य प्रदेश, राजस्थान, छत्तीसगड, तेलंगणा आणि मिझोराम विधानसभा निवडणुकीसाठी मतदान पार पडलं. यातील मिझोराम वगळता चारही राज्यांचा निकाल हाती आला आहे. मध्य प्रदेश, राजस्थान आणि छत्तीसगडमध्ये भाजपाने विजय संपादन केला आहे. तर तेलंगणात काँग्रेसला यश मिळालं आहे. मिझोराम येथे आज मतमोजणी सुरू आहे. येत्या काही तासांत येथील निकाल स्पष्ट होतील. मत मोजणीला सुरुवात होण्याआधी पोस्टल बॅलेटद्वारे केलेल्या मतांचा आढावा घेतला जातो. ईव्हीएमच्या तुलनेमध्ये या मतांची संख्या कमी असल्याने त्यांची मोजणी करणं सोपं असतं. मतमोजणीची ही प्रक्रिया सुलभतेने आणि जलद गतीने पूर्ण होते. पण हे पोस्टल बॅलेट नक्की काय असते? याद्वारे कुणाला मतदान करता येतं? असा प्रश्न अनेकांना पडलेला आहे. या लेखातून आपण याचा सविस्तर आढावा घेणार आहोत…

पोस्टल बॅलेट (Postal Ballots) ही एक मतदान करण्याची पद्धत आहे. या एका प्रकारच्या मतपत्रिका असतात. इलेक्ट्रॉनिक पद्धतीने, मेलचा वापर करुन मतदानाचा अधिकार बजावता येतो. केंद्रीय दलांमध्ये असणारे सरकारी कर्मचारी, लष्करातील सैनिक, परदेशामधील दूतावासात काम करणारे सरकारी कर्मचारी आणि त्यांचे कुटुंबीय अशा काही ठरावीक लोकांना अशा प्रकारे मतदान करण्याचा अधिकार देण्यात येतो. संबंधित मतदाराला ज्या उमेदवाराला मत द्यायचं आहे? त्याबाबतची माहिती भरुन मतपत्रिका मतमोजणीपूर्वी तपासणी अधिकाऱ्यांकडे पाठवली जाते.

Bitcoin Halving
बिटकॉइन हॉल्व्हिंग म्हणजे काय आणि क्रिप्टोसाठी त्याचा अर्थ काय?
Prayas Energy Groups work is primarily in the context of energy and power sector policies and consumer interest
वर्धानपनदिन विशेष : ऊर्जा, आरोग्यासाठी ‘प्रयास’
air turbulence
फ्लाइट टर्ब्युलन्सदरम्यान नेमके काय घडते? स्वतःला याप्रसंगी कसे सुरक्षित ठेवता येईल?
Budget 2024-25 Highlights in Marathi, Interim Budget 2024 Highlights in Marathi, Highlights of Budget 2024 in Marathi, Nirmala Sitharaman Budget 2024, share market, BSE, Nifty,
शेअर बाजाराची वाटचाल कशी राहणार? अर्थसंकल्पातून गुंतवणूकदारांना काय मिळाले?

निवडणुकांपूर्वीच पोस्टल बॅलेट मतदारांच्या संख्येबाबत आढावा घेतला जातो. त्या-त्या मतदारांपर्यंत मतपत्रिका (Postal Ballot) पोहचवण्याची जबाबदारी निवडणूक आयोगाची असते. काही वेळेस मतदारांकडे इंटरनेट, इलेक्ट्रॉनिक सुविधा उपलब्ध नसू शकतात. अशा वेळी ते पोस्टामार्फत मतपत्रिका पाठवू शकतात.

पोस्टल बॅलेट्स मतदान पद्धतीची ठळक वैशिष्ट्ये:

-मतदार त्यांना नियुक्त केलेल्या मतदारसंघाबाहेरुन या सेवेचा लाभ घेऊ शकतात.

-या मतदान पद्धतीमध्ये मतदानाचे दोन स्तर असतात. मतदान प्रणालीमुळे मतदारांबाबतची माहिती गोळा करता येते.

-पात्र मतदार ETPB फाइल डाउनलोड करुन मतपत्रिका मिळवू शकतात. यासाठी OTP ची गरज असते.

-डाउनलोड केलेली मतपत्रिका उघडून त्यांचे वितरण करण्यासाठी एका पिनची आवश्यकता असते. हा पासवर्ड पिन आयोगाद्वारे दिला जातो.

-या मतदान पद्धतीमध्ये संपूर्ण गोपनीयता पाळली जाते.

पोस्टल बॅलेट्स मतदान पद्धतीतील त्रुटी

दुर्गम भागातील नागरिकांनाही या सेवेचा लाभ घेता येतो. पण ६५ आणि त्यापेक्षा जास्त वय असलेल्या ज्येष्ठ नागरिकांना पोस्टल बॅलेट मतदानामुळे गोपनीयतेचे उल्लंघन होते, असं काहींचं मत आहे. कारण हे ज्येष्ठ नागरिक अपुऱ्या शिक्षणामुळे मतदान करताना इतरांची मदत घेतात. तेव्हा गोपनीयतेचा भंग होतो. तसेच मदत करणारे मतदान करताना त्यांना फसवतात, असा युक्तिवादही केला जातो.

Latest Comment
View All Comments
Post Comment

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: What is postal ballots voting who can cast vote know the process in marathi rmm

First published on: 04-12-2023 at 10:52 IST

संबंधित बातम्या

तुम्ही या बातम्या वाचल्या आहेत का? ×