scorecardresearch

Premium

कार्यवाही आणि कारवाई हे शब्द कधी वापरले जातात? दोन्ही शब्दांमधला नेमका फरक काय?

कार्यवाही आणि कारवाई हे दोन शब्द अनेकदा एकाच अर्थाने वापरले जातात जे योग्य नाही.

What is the Difference between this two words?
कार्यवाही आणि कारवाई या शब्दांमधला फरक काय? (फोटो-ग्राफिक्स टीम, लोकसत्ता ऑनलाईन)

Latest Marathi News अमुक अमुक गोष्ट झाली आम्ही उचित कार्यवाही केली. थांबा तो आला की आम्ही चांगली धडक कारवाई करणार. अशी वाक्यं आपण अनेकदा वाचतो, ऐकतो. कार्यवाही करणे आणि कारवाई करणे हे दोन शब्द वेगवेगळे आहेत. मात्र ते अनेकदा एकाच अर्थाने वापरले जातात. पोलीस कारवाई हा शब्दही आपण अनेकदा वाचतो. अनेकदा तो शब्द पोलीस कार्यवाही असाही लिहिला जातो. मात्र या दोन शब्दांचे अर्थ एकसारखे नाहीत तर पूर्णपणे भिन्न आहेत. कार्यवाहीचा अर्थ वेगळा आणि कारवाईचा अर्थ आणखी वेगळा. आपण या दोन्ही शब्दांमधला फरक समजून घेऊ.

कार्यवाही आणि कारवाई या शब्दांचा अर्थ आणि त्यातला फरक काय?

कार्यवाही या शब्दाचा अर्थ होतो तो म्हणजे एखादी योजना आखणे, नियोजन करणे आणि त्या योजना किंवा नियोजनाप्रमाणे अमलबजावणी करणे म्हणजे कार्यवाही करणे. तर अशी अमलबजावणी करण्यात कुणी कसूर करत असेल, हयगय किंवा दुर्लक्ष करत असेल तर त्याला केली जाणारी शिक्षा किंवा दंड ठोठावणे या क्रियेला कारवाई असं म्हणतात. त्यामुळेच गुंडावर काय कारवाई केली असा प्रश्न विचारला जातो. तर वेळापत्रक लावलं आहे त्यानुसार कार्यवाही होते आहे की नाही? हे शाळेबाबत शाळा प्रमुखांनी पाहायचे असते. कार्यवाही आणि कारवाई हे दोन शब्द एकाच अर्थाने वापरले गेले तर अर्थाचा अनर्थ होतो. अनेकदा नको त्या ठिकाणी कार्यवाही आणि कारवाई हे शब्द चुकीच्या किंवा एकाच वापरले जातात. त्यामुळे या शब्दांचा अर्थ आणि फरक समजून घ्या.

tea in weight loss diet is it necessary to quit chai on your fat loss journey know from dietician
चहा पिणे पूर्णपणे बंद केल्यास वजन होते कमी? डॉक्टर काय सांगतात, वाचा
MLA Shahaji Patil
तर मी उद्धव सेनेत जायला तयार – आमदार शहाजी पाटील
Dharavi redevelopment eligible and ineligible slum dwellers house mumbai
धारावी पुनर्विकासात सर्व झोपडीवासीयांचे पुनर्वसन ! पात्र वगळता इतरांना धारावीबाहेर घरे ?
Rape on Woman in mumbai
“शुद्धीवर आले तेव्हा तो माझ्यावर बलात्कार करत होता आणि..”, मुंबईतल्या २१ वर्षीय मुलीने पोस्ट करत सांगितली आपबिती

हे पण वाचा- श्रद्धांजली आणि आदरांजली हे शब्द कधी वापरतात? दोन्ही शब्दांमधला नेमका फरक काय?

सदानंद कदम लिखित ‘कहाणी शब्दांची-मराठी भाषेच्या जडणघडणीची’ या पुस्तकात या शब्दांचा अर्थ आणि फरक समजावून सांगण्यात आला आहे. कार्यवाही आणि कारवाई हे शब्द योग्य पद्धतीने कसे वापरले जातात याची काही उदाहरणं आपण पाहू.

उदाहरणे

सदनाची कार्यवाही २ वाजेपर्यंत स्थगित करण्यात आली आहे

सदनात गोंधळ घालणाऱ्या सदस्यांवर अध्यक्षांनी कारवाईचे आदेश दिले आहेत.

सर्वोच्च न्यायालयाने पत्रकारांना सांगितले न्यायालीन कार्यवाहीचं वार्तांकन करताना ते योग्य रितीने करण्याचं भान ठेवावं.

औषधांची भेसळ रोखण्यासाठी सरकारने संबंधितांविरोधात कारवाईचे आदेश दिले आहेत.

तर ही आपण काही उदाहरणं पाहिली. कार्यवाही आणि कारवाई हे दोन शब्द अगदी एकमेकांच्या विरोधातले आहेत. एकसारखे नाहीत. त्यामुळे अशा प्रकारे एकाच अर्थाने कुणी हे शब्द लिहित असेल तर त्यांनी योग्य ते शब्दच वापरले पाहिजेत. त्यासाठी प्रत्येकाने आग्रही असलं पाहिजे यात शंका नाही.

Latest Comment
View All Comments
Post Comment

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: What is the difference between two marathi words karyavahi and karvai what is the meaning scj

First published on: 10-12-2023 at 15:49 IST

संबंधित बातम्या

तुम्ही या बातम्या वाचल्या आहेत का? ×