28 November 2020

News Flash

मुस्लीम खासदारांची संख्या वाढली, भाजपच्या ३०३ खासदारांमध्ये एकही मुस्लीम खासदार नाही

सतराव्या लोकसभेमध्ये मुस्लीम खासदारांच्या संख्येमध्ये अल्प वाढ झाली आहे. नुकतेच लोकसभा निवडणुकीचे निकाल जाहीर झाले.

प्रतिकात्मक छायाचित्र

सतराव्या लोकसभेमध्ये मुस्लीम खासदारांच्या संख्येमध्ये अल्प वाढ झाली आहे. नुकतेच लोकसभा निवडणुकीचे निकाल जाहीर झाले. यावेळी देशभरातून एकूण २७ मुस्लीम उमेदवार विजयी झाले आहेत. मावळत्या लोकसभेमध्ये मुस्लीम खासदारांची संख्या २३ होती. बहुतांश मुस्लीम खासदार काँग्रेस आणि तृणमुल काँग्रेसचे होते.

१९८० साली लोकसभेमध्ये मुस्लीम खासदारांची संख्या सर्वाधिक होती. त्यावेळी देशभरातून ४९ मुस्लीम खासदार निवडून लोकसभेमध्ये गेले होते. २०१४ प्रमाणे भारतीय जनता पार्टीने आताही पूर्ण बहुमत मिळवले आहे. देशभरातून त्यांचे सर्वाधिक ३०३ खासदार निवडून आले आहेत. पण त्यामध्ये एकही मुस्लीम खासदार नाही.

भाजपाने यावेळी काश्मीरमधून तीन, पश्चिम बंगालमध्ये दोन आणि लक्षद्वीपमध्ये एका मुस्लीम व्यक्तीला उमेदवारी दिली होती. पण त्यांच्या सहाही मुस्लीम उमेदवारांचा पराभव झाला. उत्तर प्रदेश आणि पश्चिम बंगाल या दोन राज्यात मोठया प्रमाणावर मुस्लीम लोकसंख्या आहे. यावेळी उत्तर प्रदेशातून सहा मुस्लीम उमेदवार विजयी झाले आहेत.

२०१४ साली उत्तर प्रदेशातून एकही मुस्लीम उमेदवार विजय मिळवू शकला नव्हता. गाझीपूरमधून बसपाचे अफझल अन्सारी, सहारनपूरमधून फझलूर रहमान अमरोहामधून दानिश अली, रामपूरमधून समाजवादी पार्टीचे आझम खान, संभालमधून शफीक रहमान आणि मोरादाबादमधून एसटी हसन विजयी ठरले आहेत. उत्तर प्रदेशातून काँग्रेसने उभे केलेले सहाही मुस्लीम उमेदवार पराभूत झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2019 3:34 pm

Web Title: lok sabha election results 2019 muslim mps parliament bjp
Next Stories
1 भारताची जनता भाग्यवान कारण त्यांच्याकडे मोदी आहेत-डोनाल्ड ट्रम्प
2 निकालाच्या दिवशी पंतप्रधान मोदी ‘या’ कामामध्ये होते व्यस्त
3 संसदेत स्त्री शक्ती! इतिहासात पहिल्यांदाच सर्वाधिक महिला खासदार
Just Now!
X