27 September 2020

News Flash

‘रामाचं काम करायचं आहे’, मोहन भागवत यांचं सूचक विधान

'रामाचं कार्य सगळ्यांनी मिळून करायचं आहे आणि ते होणारच'

लोकसभा निवडणुकीत भाजपाला बहुमत मिळून झालेल्या ऐतिहासिक विजयानंतर राष्ट्रीय स्वयंसेवक संघाने पुन्हा एकदा राम मंदिराचा उल्लेख केला आहे. सरसंघचालक मोहन भागवत यांनी अयोध्या राम मंदिरासंबंधी सूचक विधान केलं आहे. रामाचं काम करायचं आहे आणि रामाचं काम होणारच असं वक्तव्य मोहन भागवत यांनी केलं आहे. यावर लक्षही ठेवलं जाईल असंही ते म्हणाले आहेत. मोहन भागवत यांनी थेट राम मंदिराचा उल्लेख केला नसला तरी त्यांचं हे विधान त्याच्याशी निगडीत असल्याचं बोललं जात आहे.

उदयपूर येथे आयोजित संघ शिक्षा वर्ग प्रशिक्षणादरम्यान मोहन भागवत यांनी बोलताना रामाचं काम करायचं आहे आणि रामाचं काम होणारच असा विश्वास व्यक्त केला. ‘रामाचं काम करायचं आहे म्हणजेच आपलं काम करायचं आहे. आपलं काम आपण स्वत: केलं तर ठीक, दुसऱ्याकडे सोपवलं तर कोणाला तरी लक्ष ठेवावं लागतं’, असं त्यांनी यावेळी सांगितलं.

लोकसभा निवडणुकीच्या आधीही आरएसएसने राम मंदिरासंबंधी भाजपा सरकारप्रती नाराजी व्यक्त केली होती. लोकसभा निवडणुकीनंतर राम मंदिर निर्माण सुरु करण्यात येईल, मग केंद्रात कोणाचंही सरकार असो असं वक्तव्य आरएसएसच्या एका नेत्याने केलं होतं. पंतप्रधान नरेंद्र मोदी यांनी जोपर्यंत सर्वोच्च न्यायालयाचा निर्णय येत नाही तोपर्यंत कोणत्याही पर्यायाचा विचार केला जाणार नाही असं आधीच स्पष्ट केलं आहे. संसदेत अध्यादेश आणून राम मंदिर निर्माण कऱण्याचा मार्ग मोकळा करण्यात यावा अशी मागणी आरएसएस आणि विश्व हिंदू परिषदेक़डून करण्यात आली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 27, 2019 11:00 am

Web Title: rss mohan bhagwat ayodhya ram temple narendra modi
Next Stories
1 ऐतिहासिक विजयानंतर नरेंद्र मोदींची वाराणसीत धन्यवाद रॅली
2 मॉर्निंग बुलेटिन : पाच महत्त्वाच्या बातम्या
3 मेलेल्या उंदराभोवती पोलिसांचा १० तास कडक पहारा
Just Now!
X