प्रकाश आंबेडकरांचा दावा, “मुख्यमंत्री एकनाथ शिंदेंचं काम संपलं आहे, पुढच्या दोन महिन्यांत…”

काय म्हणाले प्रकाश आंबेडकर?

“नरेंद्र मोदी २०२४ ला पुन्हा सत्तेत आले तर आता निवडणूक होणार नाही. देशाचा चेहरामोहरा पूर्ण बदलून जाईल. जो ऐकणार नाही त्याला तुरुंगात डांबतील. मोदी सत्तेत आल्यास सीएए आणि एनआरसी लागू करतील. बाबासाहेब आंबेडकर आले तरीही संविधान बदलू शकणार नाहीत अशी ग्वाही दिली जाते आहे. मात्र मोदी सत्तेत आल्यास ते घटना बदलल्याशिवाय राहणार नाही. हे बदलायचं असेल तर मोदींच्या विरोधात मतदान करा” असं प्रकाश आंबेडकर म्हणाले आहेत.

हे पण वाचा- “पंतप्रधान नरेंद्र मोदी अगदी बेंबीच्या देठापासून…” प्रकाश आंबेडकर यांची टीका; म्हणाले, “त्यांनी आधी संविधानाबद्दलची…”

एकनाथ शिंदे पुढच्या दोन महिन्यांत दिसणार नाहीत

“मुख्यमंत्री एकनाथ शिंदे यांचं काम संपलं आहे. लोकसभा निवडणुकीनंतर दोन महिन्यांनी तुम्हाला एकनाथ शिंदे दिसणारही नाहीत. एकनाथ शिंदेंचा म्हणावा तसा फायदा लोकसभेला दिसला नाही तर वेगळं चित्र दिसू शकतं” असं प्रकाश आंबेडकर म्हणाले आहेत.

१७ लाख लाख कुटुंबांनी देश सोडला आहे

प्रकाश आंबेडकर त्यांच्या भाषणात म्हणाले की १७ लाख कुटुंबांनी देश सोडला आहे. हे लोक मुस्लिम किंवा ख्रिश्चन नाहीत तर हिंदू आहेत. त्यांची मालमत्ता ५० कोटी आहे. मी राष्ट्रीय स्वयंसेवक संघाला विचारतो आहे तुम्ही कोणत्या तोंडाने मोदींना मतं द्यायला सांगत आहात तुम्हाला लाज कशी वाटत नाही? असंही प्रकाश आंबेडकर म्हणाले.