“पप्पा भाजपात, मम्मी राष्ट्रवादीत, त्यामुळे मल्हार पाटलांचा…”, ओम राजेनिंबाळकरांचा टोला

राणा पाटलांचे पुत्र मल्हार पाटील यांनी दोन आठवड्यांपूर्वी धाराशिवमधील एका प्रचारसभेत केलेल्या वक्तव्यावरून ओमराजेंनी मल्हार पाटलांना टोला लगावला आहे. मल्हार पाटील म्हणाले होते की पंतप्रधान नरेंद्र मोदींवर विश्वास ठेवून अजित पवारांच्या सहमतीने २०१९ मध्ये आम्ही राष्ट्रवादी काँग्रेस पार्टी सोडून भाजपात प्रवेश केला. मी हे अतिशय जबाबदारीने सांगतोय की, अजित पवारांनीच आम्हाला आधी पाठवलं आणि मग ते स्वतःदेखील भाजपाबरोबर आले. आमच्या रक्तात राष्ट्रवादी, हृदयात भाजपा आणि हातात धनुष्यबाण आहे. आम्ही पूर्ण ताकदीने महायुतीचं काम करू.

आणखी वाचा

उमरखेडमध्ये दोन माजी आमदारांचे नवख्यांना आव्हान; दिग्रस, राळेगावमध्ये आज-माजी मंत्र्यांची शक्ती पणाला

Madhurima Raje : सतेज पाटील ज्यांच्यामुळे ढसाढसा रडले…

“माझे संभाषण रेकॉर्ड करण्याचा प्रयत्न”, भाजपचे माजी मंत्री जगन्नाथ पाटील यांचा दावा, दीपेश म्हात्रे यांचे नाव न घेता आरोप

“त्यांना सांगा, आपली मैत्री आता २० तारखेनंतरच”, भाजपच्या जिल्हाध्यक्षांनी भर सभेत केली शिवसैनिकांची कानउघाडणी

“मुंब्र्यात जाऊन जितेंद्र आव्हाडांना…”, मिटकरींचं आव्हान; अजित पवारांवरील टीकेनंतर संताप व्यक्त करत म्हणाले…

“लोकसभेला साहेबांना खूश केलं, आता विधानसभेला मला खूश करा”; अजित पवारांचं बारामतीकरांना आवाहन!

संघराज्यवादाचे भारतीय संदर्भ

“तेव्हा मी त्यांची लाडकी बहीण होती, पण आता…”; ‘त्या’ विधानावरून शायना एनसींचं अरविंद सावतांवर टीकास्र!

मल्हार पाटील यांच्या या वक्तव्यावर ओम राजेनिंबाळकर म्हणाले, त्यांनी (मल्हार पाटील) जे काही वक्तव्य केलं त्यात त्यांचा दोष नाही. राणा पाटलांच्या लेकराचा यात दोष नाही. त्यांचे पप्पा भाजपात आहेत, मम्मी राष्ट्रवादीत आहे, यात लेकराचा काय दोष? पप्पा-मम्मी वेगवेगळ्या पक्षात असल्यामुळे असा केमिकल लोचा होणं स्वाभाविक आहे. पप्पा एका पक्षात, मम्मी दुसऱ्या पक्षात असल्यामुळे त्यांचा असा केमिकल लोचा झाला आहे. त्यामुळे त्यांनी केलेलं भाषण योग्यच म्हणायला हवं.

हे ही वाचा >> “आमदार नसतानाही राणाजगजीतसिंह पाटलांना मंत्री केलं, पण त्यांचे…”, शरद पवार यांचा टोला

ओम राजेनिंबाळकर म्हणाले, मी मल्हार पाटलांना एवढंच सांगेन की, आई वडिलांचा आदर्श घेऊन तुम्ही तुमचं भाषण थोडं वाढवा. तुमची किडणी (मुत्रपिंड) आणि लिव्हर (यकृत) अजून बाकी आहे. त्यामुळे तुम्ही आता म्हणायला हवं की, आमच्या रक्तात राष्ट्रवादी, हृदयात भाजपा, किडणीत शिंदे गट आणि लिव्हरमध्ये मनसे आहे. शिंदे गट आणि मनसेलाही तुम्ही स्थान द्यायला हवं. म्हणजेच आई-वडिलांप्रमाणे तुम्हीदेखील उद्या कोणत्याही पक्षात जायला रिकामे आहात. तुम्ही कोणाचं कशा पद्धतीने समर्थन करता, काय बोलता, स्वतःच्या स्वार्थासाठी वाट्टेल ते बोलता, कपडे बदलल्यासारखे पक्ष बदलायचे आणि वर त्याचं समर्थन करायचं. याचा हिशेब करणं गरजेचं आहे. आहे.