कोण आहेत नौक्षम चौधरी? लंडन रिटर्न भाजपा आमदाराची राजस्थानमध्ये चर्चा

कोण आहेत नौक्षम चौधरी?

नौक्षम चौधरी २०१९ मध्ये हरियाणा विधानसभा निवडणुकीत पुन्हाना येथील जागेवरुन लढल्या होत्या. मात्र त्यावेळी त्यांचा पराभव झाला होता. मात्र ते अपयश राजस्थानच्या भरतपूरमध्ये विजय मिळवत नौक्षम चौधरींनी धुवून काढलं. कामा हा मुस्लीमबहुल मतदार असलेला भाग आहे.

आणखी वाचा

“महाराष्ट्राची मान शरमेने खाली, हे सरकार फक्त मलई खाण्यात…”, पटोलेंकडून टीकांचा भडिमार

Bigg Boss Marathi 5: सर्व एलिमिनेटेड सदस्यांची घरात…

पक्षश्रेष्ठींचा आशीर्वाद अन् दोघेही बाशिंग बांधून तयार, पण सुमंगल कोणाचे? गोंदियावरून आघाडीत तिढा!

चाकण एमआयडीसीतून ५० कंपन्या परराज्यांत स्थलांतरित! काँग्रेस नेत्याचा गौप्यस्फोट; उद्योग संघटनेकडून दुजोरा

मुख्यमंत्रीपद ‘फिरते’ हवे? अजित पवार यांची भाजपकडे मागणी

नाशिक विभागात मित्रपक्षांच्या जागांवर भाजपची नजर, अमित शाह यांच्या उपस्थितीत बुधवारी आढावा

खानापूरमध्ये शिंदे गटाच्या मतदारसंघात भाजपची कुरघोडी

नवी मुंबई : आपत्कालीन स्थितीत १४ गावांत महापालिकेचीच धाव!

३० वर्षीय नौक्षम या हरियणातल्या नूंह जिल्ह्यात असलेल्या पैमा खेडा गावाच्या रहिवासी आहेत. लंडनमध्ये त्यांनी मास कम्युनिकेशन केलं आहे. भाजपा आमदार नौक्षम चौधरी यांनी विजयानंतर सगळ्या मतदारांचे आभार मानले आहेत. शिक्षण, वीज, रस्ते, पाणी आणि भ्रष्टाचार मुक्त प्रशासन यावर काम करताना भर देईन असंही त्यांनी म्हटलं आहे.

कामा या ठिकाणी काय होती परिस्थिती?

कामा येथून १२ उमेदवार उभे होते. त्यातले आठ उमेदवार मुस्लीम होते. तर चार हिंदू होते. खरी लढत नौक्षम, मुख्तियार आणि जाहिदा यांच्यात होती. मात्र यात बाजी मारली ती नौक्षम चौधरी यांनी. एक कोटी रुपयांचं वर्षाचं पॅकेज सोडून राजकारणात आलेल्या नौक्षम चौधरी चर्चेचा विषय ठरल्या होत्या. तसंच सोशल मीडियावरही त्या लोकप्रिय आहेत.

नौक्षम चौधरी या हरियाणात निवडणूक हरल्या होत्या. त्या नौक्षम चौधरींना भरतपूरहून भाजपाने तिकिट दिलं त्यावेळी त्यांना बाहेरुन आणलं आहे असं बोललं गेलं. मात्र या विजयाने सगळ्यांची तोंडं बंद झाली आहेत. जाहिदा खान यांच्याविरोधात मुस्लिम समुदायात नाराजी होती त्यामुळे मुस्लिम समुदायाने अपक्ष म्हणून मुख्त्यार अहमद यांना उमेदवारी दिली होती. या दोघांमध्ये मत विभाजन झालं ज्याचा फायदा नौक्षम चौधरी यांना झाला. भाजपाला ही जागा जिंकणं कठीण वाटत होतं, मात्र नौक्षम चौधरी यांनी ही जागा भाजपाला जिंकून दिली.