"तेलंगणात प्रचाराआधी मोदी कपाळाला चंदन लावून…", संजय राऊतांचा पंतप्रधानांवर हल्लाबोल!

संजय राऊत म्हणतात, "आपला निवडणूक आयोगही भाजपच्या गाभाऱ्यात डोळे मिटून ध्यानस्थ बसला आहे!"

संजय राऊतांचा नरेंद्र मोदींवर टीका (फोटो - लोकसत्ता ग्राफिक्स टीम)

पाच राज्यांच्या विधानसभा निवडणुका जाहीर झाल्यापासून या निवडणुका व त्यांचे निकाल हा चर्चेचा विषय ठरला आहे. रविवारी या राज्यांमधील मतमोजणीच्या पार्श्वभूमीवर ठाकरे गटाचे खासदार व मुख्य प्रवक्ते संजय राऊत यांनी पंतप्रधान नरेंद्र मोदी व भाजपावर सामनातील ‘रोखठोक’ या सदरातून परखड भाष्य केलं. यावेळी भाजपाच्या निवडणूक प्रचारनीतीवर संजय राऊतांनी टीकास्र सोडलं असून त्याच्या केंद्रस्थानी पंतप्रधान आहेत. “देवळात घंटा बडवून, शेंड्यांना तूप लावून, केदारनाथच्या गुहेत ध्यानस्थ बसल्याचं छायाचित्र प्रसिद्ध करून देशातील समस्या संपणार नाहीत”, असा खोचक सल्लाही राऊतांनी मोदींना दिला आहे.

काय आहे लेखात?

संजय राऊतांनी रोखठोक सदरातील आपल्या लेखात पाच राज्यांतील निवडणूक निकालांच्या पार्श्वभूमीवर मोदींना लक्ष्य केलं आहे. योगींनी हैदराबादचं नाव भाग्यनगर करण्याची घोषणा केल्यावरून त्यांनी भाजपावर टीका केली. “भाजपा म्हणजे देशातील शहरे व रस्त्यांची नावे बदलणारा कारखाना झाला आहे. उत्तर प्रदेशातील अलाहाबाद, फैजाबादसह अनेक जिह्यांची नावे योगींनी बदलली, पण प्रदेशातील गरिबी, बेरोजगारी त्यामुळे संपली नाही. हैदराबादच्या निजामाला स्वतंत्र भारतात विलीन व्हायचे नव्हते, पण सरदार पटेल यांनी पोलीस अॅक्शन घेतली व हैदराबादेतच निजामास शरण यावे लागले. हैदराबाद हे विजयाचे प्रतीक आहे. ते तसेच राहिले पाहिजे”, असं राऊतांनी नमूद केलं आहे.

आणखी वाचा

maharashtra assembly election 2024, rebel, amravati district, BJP

Mahayuti in Amravati District : बंडखोरीमुळे महायुतीसमोर मतविभाजनाचा धोका कायम

Madhurima Raje : सतेज पाटील ज्यांच्यामुळे ढसाढसा रडले…

“भाजपा अमित ठाकरेंचाच प्रचार करणार”, प्रसाद लाडांकडून भूमिका स्पष्ट; म्हणाले, “सरवणकरांना विधान परिषदेवर…”

Maharashtra Vidhan Sabha Nivadnuk 2024 Updates in Marathi

Maharashtra Assembly Election 2024 : “२३ नोव्हेंबरला राज्यात बॉम्ब फुटणार”, मुख्यमंत्री शिंदेंचा महाविकास आघाडीला इशारा

Maharashtra Assembly Election 2024 : “भाजपा अन् शिवसेनेला मदत करायची नसेल तर…”, मलिकांच्या उमेदवारीवरून प्रफुल पटेलांचं सूचक विधान

independents candidates in six constituencies of Chandrapur will spoil party candidates votes in vidhan sabha election 2024

अपक्ष बिघडवणार पक्षीय उमेदावारांचे राजकीय गणित? चंद्रपूर जिल्ह्यातील सहा मतदारसंघांत ‘उदंड जाहले अपक्ष’

Challenges facing by political parties in Maharashtra state assembly elections 2024,

निवडणुकीच्या मैदानात तिरंगी-चौरंगी लढतीची रंगत; अकोला वाशीम जिल्ह्यातील आठही मतदारसंघात चुरस

bjp central leadership pressure chhagan bhujbal for sameer bhujbal

Maharashtra Vidhan Sabha Election 2024 : समीर भुजबळांच्या माघारीसाठी दिल्लीचे प्रयत्न

“मोदींच्या कृतीत श्रद्धा कमी, प्रसिद्धी जास्त”

“तेलंगणाच्या प्रचारास जाण्यापूर्वी पंतप्रधान मोदी हे बालाजी तिरुपतीच्या मंदिरात पोहोचले. कपाळास चंदन, भस्म लावून ते मंदिरात पूजा-अर्चा करीत असल्याचे चित्र सर्वत्र झळकले. हा प्रचाराचाच एक भाग झाला. त्याआधी ते मथुरेत जाऊन कृष्णचरणी लीन झाले. त्यात श्रद्धा कमी व प्रसिद्धी, प्रचार जास्त. पाच राज्यांतील निवडणुका सरकारच्या कामांवर, विकासाच्या मुद्द्यांवर नाही, तर सरळसरळ जातीय, धार्मिक, ध्रुवीकरण करून लढवल्या जात आहेत, पण आपला निवडणूक आयोगही भाजपच्या गाभाऱ्यात डोळे मिटून ध्यानस्थ बसला आहे”, अशी खोचक टीकाही राऊतांनी लेखातून केली आहे.

“देशाला फक्त एका पुरुष नेतृत्वाची गरज”

“मोदी हे युगपुरुष की विश्वपुरुष आहेत असे प्रमाणपत्र उपराष्ट्रपती जगदीप धनखड यांनी मुंबईत येऊन दिले, पण या देशाला फक्त एका पुरुष नेतृत्वाची गरज आहे”, अशी टिप्पणी राऊतांनी केली आहे. “जम्मू-कश्मीरात दिवसाआड जवानांचे बळी जात आहेत. मोदी देवळात जाऊन पूजेला बसले म्हणून जवानांच्या हत्या थांबलेल्या नाहीत. हजारो कश्मिरी पंडित जे हिंदू आहेत ते आजही कश्मीरातील त्यांच्या घरी जाऊ शकलेले नाहीत. मोदींचा देव त्यांचे रक्षण करू शकत नाही. कारण धर्म आणि देवाचे अवडंबर माजवून फक्त मते मागितली जात आहेत”, असंही राऊतांनी नमूद केलं आहे.

First published on: 03-12-2023 at 07:32 IST

Web Title: Sanjay raut mocks pm narendra modi five state assembly election results 2023 pmw

Assembly Elections Result 2023: “तेलंगणात प्रचाराआधी मोदी कपाळाला चंदन लावून…”, संजय राऊतांचा पंतप्रधानांवर हल्लाबोल!

संजय राऊत म्हणतात, "आपला निवडणूक आयोगही भाजपच्या गाभाऱ्यात डोळे मिटून ध्यानस्थ बसला आहे!"

काय आहे लेखात?

“मोदींच्या कृतीत श्रद्धा कमी, प्रसिद्धी जास्त”

“देशाला फक्त एका पुरुष नेतृत्वाची गरज”