पवन दावुलुरी हे मायक्रोसॉफ्टचे नवे प्रमुख होणार असून, त्यांच्याकडे मायक्रोसॉफ्टची जबाबदारी देण्यात आली आहे. आयआयटी मद्रासमधून शिक्षण घेतलेल्या पवन दावुलुरीला मायक्रोसॉफ्टच्या विंडोज आणि सरफेसचे नवे बॉस करण्यात आले आहेत. खरं तर यापूर्वी हे पद पॅनोस पनय यांनी भूषवले होते. आता त्यांच्यानंतर ही जबाबदारी पवन यांच्याकडे सोपवण्यात आली आहे. पॅनोस यांनी गेल्या वर्षी मायक्रोसॉफ्ट विंडोज सोडले होते. त्यानंतर ते Amazon मध्ये रुजू झाले होते. मायक्रोसॉफ्टने विंडोज आणि सरफेस ग्रुप वेगळे केले होते. या दोघांचे नेतृत्वही वेगळे होते. यापूर्वी पवन हे सरफेस सिलिकॉनचे काम पाहत होते.
कोण आहेत पवन दावुलुरी?
मीडिया रिपोर्ट्सनुसार, पवन दावुलुरीने IIT मद्रासमधून पदवी प्राप्त केली आहे. यानंतर त्यांनी मेरिलँड विद्यापीठातून पदव्युत्तर शिक्षण घेतले आणि मायक्रोसॉफ्टमध्ये रुजू झाले. गेल्या २३ वर्षांपासून ते मायक्रोसॉफ्टमध्ये काम करीत आहेत. पवनचा भारताशी विशेष संबंध आहे. पवन आता त्या नेतृत्व गटात सामील झाला आहे, जिथे फक्त काही भारतीय अमेरिकन कंपन्यांमध्ये नेतृत्वाच्या भूमिकेत आहेत. यामध्ये सत्या नडेला आणि सुंदर पिचाई यांसारख्या नावांचा समावेश आहे. मायक्रोसॉफ्टच्या विंडोज आणि सरफेसचे प्रमुख बनल्यानंतर पवनला किती पगार मिळणार, याबाबत अद्याप कोणतीही माहिती देण्यात आलेली नाही. रिपोर्टनुसार, पवन मायक्रोसॉफ्टचे हेड ऑफ एक्सपिरियन्स अँड डिव्हायसेसचे पद सांभाळणाऱ्या राजेश झा यांना रिपोर्ट करणार आहेत. राजेश झा यांच्या अंतर्गत पत्रावरूनच वाद झाला होता. कंपनीने पवन दावुलुरी यांची मायक्रोसॉफ्टमध्ये नियुक्ती करण्याचा निर्णय घेतला आहे. पवन दावुलुरी हे मद्रासच्या प्रतिष्ठित इंडियन इन्स्टिट्यूट ऑफ टेक्नॉलॉजीचे माजी विद्यार्थी आहेत. Qualcomm आणि AMD च्या सहकार्याने सरफेस प्रोसेसरच्या विकासावर देखरेख करण्याव्यतिरिक्त तो Bing, Edge आणि Copilot वरील कामातही सहभागी होता.
मायक्रोसॉफ्टने पुन्हा एकदा विंडोज आणि सरफेस हे दोन्ही एकत्र केले आहेत. दोन्ही आघाड्यांवर विकासाचे नेतृत्व करण्यासाठी त्यांनी IIT मद्रासचे माजी विद्यार्थी पवन दावुलुरी यांच्याकडे नेतृत्व दिले आहे. ज्यामुळे ते एका मोठ्या टेक कंपनीत वरिष्ठ पद स्वीकारणारे सर्वात अलीकडील भारतीय बनले आहेत. खरं तर हा निर्णय दोन विभागांमधील एका विभाजनानंतर घेण्यात आला आहे. राजेश झा यांच्या मायक्रोसॉफ्ट इंजिनीअरिंग अँड डिव्हाईसेस संस्थेतील पूर्वीच्या संघटनात्मक संरचनेकडे परत येण्याचे सूचित करते.
हिंदुस्तान टाइम्सच्या वृत्तानुसार, दावुलुरी पूर्वी सरफेस ग्रुपचे प्रभारी होते, तर मिखाईल पारखिन हे विंडोज विभागाचे प्रमुख होते. दावुलुरी यांनी दीर्घकाळ उत्पादन प्रमुख असलेल्या पानाय यांची जागा घेतली, ज्यांनी मागील वर्षी Amazon साठी काम करण्यासाठी विभाग सोडला. द वर्जला मिळालेल्या अंतर्गत मेमोनुसार दावुलुरी राजेश झा यांना अहवाल देतील.
हेही वाचाः विश्लेषण : अमेरिकेत ४७ वर्ष जुना पूल कसा कोसळला? किती जणांनी गमावला जीव?
मायक्रोसॉफ्टची बदलती रचना
डीपमाइंडचे सह संस्थापक मुस्तफा सुलेमान यांची नुकतीच मायक्रोसॉफ्टने नव्याने स्थापन केलेल्या एआय संस्थेचे सीईओ म्हणून नियुक्ती केली. मिखाईल पारखिनचा ग्रुप नव्याने स्थापन झालेल्या एआय विभागात सामील झालाय.
भारतीयांच्या वाढत्या पंक्तीत दावुलुरी हे नवे नाव
जागतिक तंत्रज्ञान कंपन्यांमध्ये नेतृत्वाची पदे भूषविणाऱ्या भारतीयांच्या वाढत्या पंक्तीत दावुलुरी हे नवे नाव आहे. हे जगातील काही प्रमुख भारतीय वंशाचे सीईओ आहेत.
सत्या नाडेला मायक्रोसॉफ्टचे सीईओ
हैदराबादमध्ये जन्मलेले सत्या नडेला २०१४ पासून कंपनीचे CEO आहेत. त्यांनी हैदराबादमधून संगणक अभियांत्रिकीमध्ये शिक्षण घेतले. स्कूप वूपनुसार, विस्कॉन्सिन-मिलवॉकी विद्यापीठातून कॉम्प्युटर सायन्समध्ये मास्टर्स केले. मायक्रोसॉफ्टमधील कारकीर्द बदलण्यापूर्वी त्याने सन मायक्रोसिस्टम्समध्ये आपल्या करिअरची सुरुवात केली.
सुंदर पिचाई- अल्फाबेट आणि गुगलचे सीईओ
पिचाई यांनी २००४ मध्ये मॅनेजमेंट एक्झिक्युटिव्ह म्हणून गुगलमध्ये आपल्या कारकिर्दीला सुरुवात केली. ते तामिळनाडूतील मदुराई येथे लहानाचे मोठे झाले. त्यांनी कॅलिफोर्नियातील स्टॅनफोर्ड विद्यापीठ तसेच खरगपूर येथील इंडियन इन्स्टिट्यूट ऑफ टेक्नॉलॉजीमधून शिक्षण घेतले.
अरविंद कृष्णा – सीईओ, आयबीएम ग्रुप
नोव्हेंबर २०२३ मध्ये कृष्णा यांनी व्हर्जिनिया रोमेट्टी यांच्यानंतर IBM समूहाचे CEO म्हणून पदभार स्वीकारला. ते दोन दशकांहून अधिक काळ कंपनीशी जोडले गेले आहेत. कृष्णाने आपले पीएचडीचे शिक्षण अर्बाना-चॅम्पेन येथील इलिनॉय विद्यापीठातून इलेक्ट्रिकल इंजिनीअरिंगमध्ये पूर्ण केले.
शंतनू नारायण – Adobe Inc., सीईओ
हैदराबादमध्ये जन्मलेल्या नारायण यांनी २००७ पासून Adobe चे CEO आणि प्रमुख म्हणून काम केले आहे. त्यांनी हैदराबादमधील उस्मानिया विद्यापीठातून पदवी घेतली. तसेच कॅलिफोर्निया विद्यापीठ बर्कले येथून एमबीएचं शिक्षण घेतले. ॲबोबमध्ये येण्यापूर्वी ते ॲपलमध्ये नोकरीला होते.
निकेश अरोरा – पालो अल्टो नेटवर्क्स, सीईओ
उत्तर प्रदेशमध्ये जन्मलेल्या अरोरा यांनी २०१८ पासून कंपनीचे सीईओ म्हणून नेतृत्व केले आहे. ते यापूर्वी सॉफ्टबँक ग्रुपचे अध्यक्ष आणि Google चे कार्यकारी अध्यक्ष होते. अरोरा हे बोस्टन कॉलेज, नॉर्थईस्टर्न युनिव्हर्सिटी आणि इंडियन इन्स्टिट्यूट ऑफ टेक्नॉलॉजी आणि BHU चे माजी विद्यार्थी आहेत.
