IPL 2018: फलंदाजीसाठी वेगळा सराव करत नाही – हार्दिक पांड्या

कोलकात्याविरुद्ध सामन्यात हार्दिक पांड्याची अष्टपैलू खेळी

कोलकात्याविरुद्ध सामन्यात हार्दिक पांड्याची अष्टपैलू खेळी

कोलकात्याविरुद्ध सामन्यात अष्टपैलू खेळी करुन मुंबईच्या हार्दिर पांड्याने आपल्या संघाचं स्पर्धेतलं आव्हान कायम राखलं आहे. घरच्या मैदानावर कोलकात्याविरुद्ध झालेल्या सामन्यात हार्दिकने फलंदाजी व गोलंदाजीत चमकदार कामगिरी करत विजयात महत्वाचा वाटा उचलला. हार्दिकने २० चेंडूत ३५ धावांची नाबाद खेळी करत गोलंदाजीत २ महत्वाचे बळी घेत सर्वाधिक बळी पटकावणाऱ्यांच्या यादीत पहिलं स्थान मिळवलं.

अवश्य वाचा – रंगतदार सामन्यात पांड्या बंधू चमकले, मुंबईची कोलकात्यावर १३ धावांनी मात; स्पर्धेतलं आव्हान कायम

सामनावीराचा किताब स्विकारत असताना हार्दिक पांड्याला त्याच्या फलंदाजीविषयी प्रश्न विचारण्यात आला होता. ज्याला उत्तर देताना पांड्या म्हणाला, “मी कोणत्याही प्रकारे वेगळा सराव करत नाहीये. ज्यावेळी तुम्ही मैदानात उतरता तेव्हा एखादा दिवस हा तुमचा असतो, त्यामुळे फलंदाजीसाठी वेगळा सराव करणं मी थांबवलं आहे. सध्या मी अधिकाधीक सकारात्मक राहून चांगली फलंदाजी करण्याचा प्रयत्न करतो आहे. फलंदाजीदरम्यान तुम्ही खेचलेला एखादा षटकार तुम्हाला सामन्यात आत्मविश्वास देण्यासाठी पुरेसा असतो.” मुंबईने कोलकात्यावर १३ धावांनी मात करत स्पर्धेतलं आपलं आव्हान कायम राखलं आहे.

प्ले-ऑफच्या सामन्यांमध्ये प्रवेश मिळवण्यासाठी मुंबईला उर्वरित सर्व सामन्यांमध्ये विजय मिळवणं आवश्यक आहे. सध्या मुंबईचा सकारात्मक असून उरलेल्या सर्व सामन्यांमध्ये संघ चांगली कामगिरी करेल अशी आशा हार्दिक पांड्याने व्यक्त केली आहे. याआधीच्या हंगामामध्येही मुंबईने अशी कामगिरी करुन दाखवलेली आहे, त्यामुळे यंदाच्या हंगामातही प्ले-ऑफच्या सामन्यांमध्ये प्रवेश मिळवण्याची मुंबईची आशा अद्याप कायम आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व आयपीएल २०१८ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ipl 2018 have stopped practicing batting says hardik pandya

ताज्या बातम्या