छत्रपतींच्या घरामध्ये आग लावण्याचा संजय राऊत यांच्याकडून प्रयत्न; नीतेश राणे यांचा हल्लाबोल

कोल्हापूर : राज ठाकरे आणि उद्धव ठाकरेंमध्ये आग लावण्याचे काम करणाऱ्या लोकांमध्ये संजय राऊतही होते. हेच राऊत आता छत्रपतींच्या घरामध्ये आग लावण्याचा प्रयत्न करत आहेत, असा आरोप आमदार नीतेश राणे यांनी येथे पत्रकारांशी बोलताना केला. संजय राऊत यांचा एकेरी उल्लेख करत राणे म्हणाले, हा काल ठाकरेंच्या घरात आग लावत होता. आज छत्रपतींच्या घरापर्यंत पोहोचण्याची मजल गेली आहे. अशा लोकांना अंगरक्षकांची गरज नाही. थोडा मराठा समाजाने त्याचा ताबा घेतला पाहिजे. हा आग लावण्याचा इतिहास आहे. ही हिंमत केल्याबद्दल राऊतना कधीतरी किंमत मोजायला लागणार, हे नक्की सांगतो. राज्यसभा निवडणुकीत धनंजय महाडिक यांचा विजय निश्चितपणे होणार, असा विश्वास त्यांनी व्यक्त केला.