महात्मा बसवेश्वर महाराज आर्थिक विकास महामंडळाला स्वायत्त दर्जा – हसन मुश्रीफ

यामुळे लिंगायत समाजातील पोट जातींसह समाजाला शेतीसाठी, व्यावसायिक कर्ज, तसेच शैक्षणिक अर्थसाहयाचे सरसकट लाभ मिळणार आहेत. वैद्यकीय शिक्षण व विशेष सहाय्य मंत्री हसन मुश्रीफ यांनी ही माहिती दिली.

हेही वाचा >>> कोल्हापूरमधील शरद पवार की अजित पवारांची सभा मोठी होणार ?

याबाबत अधिक माहिती अशी, महात्मा बसवेश्वर महाराज आर्थिक विकास महामंडळाच्या माध्यमातून लिंगायत समाजातील पोट जातींना लाभ देण्याचे धोरण तयार झाले होते. परंतु; त्यामुळे बहुसंख्यांने असलेला लिंगायत समाज यापासून वंचित राहणार होता.

पोट जातींसह सरसकट लिंगायत समाजाला लाभ मंत्रिमंडळाच्या या निर्णयामुळे अण्णासाहेब पाटील आर्थिक विकास महामंडळाच्या धर्तीवर महात्मा बसवेश्वर महाराज आर्थिक महाविकास महामंडळही स्वायत्त झाले आहे. महात्मा बसवेश्वर महाराज आर्थिक विकास महामंडळाला दिलेल्या स्वायत्त दर्जामुळे लिंगायत समाजातील पोट जातींसह सरसकट लिंगायत समाजाच्या आर्थिक उन्नतीसाठी याचा लाभ होणार आहे.