राधानगरीत पाटील गटाच्या निर्णयानंतरही काँग्रेस कार्यकर्ते सतेज पाटील यांच्यासोबत

या वेळी काँग्रेसच्या पदाधिकाऱ्यांनी, राधानगरी तालुका हा काँग्रेसची विचारधारा जपणारा तालुका आहे. येथील जनता एकनिष्ठतेला प्राधान्य देत असल्याने आम्ही पक्ष कधीच सोडून जाणार नाही, असा शब्द दिला. त्यांनी खासदार शाहू छत्रपती, काँग्रेसचे विधान परिषदेतील गटनेते आमदार सतेज पाटील यांच्या नेतृत्वाखाली काम करण्याचा संकल्प बोलून दाखवला.

यावेळी सतेज पाटील यांनी लढणाऱ्या कार्यकर्त्यांना बळ देणे ही माझी जबाबदारी आहे. असे निष्ठावंत कार्यकर्तेच पक्षाची खरी मुलुख मैदानी तोफ आहेत. त्यामुळे पुढच्या काळात निष्ठावंत कार्यकर्त्यांना सोबत घेऊन काँग्रेसचा विचार अधिक बुलंद करण्यासाठी मी कटिबद्ध राहीन या शब्दांत कार्यकर्त्यांचे मनोबल वाढवले.

गोकुळ दुध संघाचे संचालक अभिजित तायशेटे, भोगावतीचे माजी चेअरमन सदाशिवराव चरापले, काँग्रेसचे समन्वयक सुशिल पाटील, भोगावतीचे माजी संचालक ए.डी.पाटील, गुडाळ संजयसिंह पाटील तारळे, सुधाकर साळोखे, अशोक साळोखे, माजी जिल्हा परिषद सदस्य पांडुरंग भांदीगरे, भोगावती शिक्षण प्रसारक मंडळाचे संचालक बाजीराव चौगले, मोहन धुंदरे, लहू कुसाळे यांनी खासदार शाहू छत्रपती व आमदार सतेज पाटील यांच्या नेतृत्वाखाली सर्वांनी प्रामाणिकपणे काम करुया असा निर्धार व्यक्त केला.  

यावेळी तालुकाध्यक्ष हिंदुराव चौगले, ए. डी. पाटील- गुडाळकर, काँग्रेसचे निरीक्षक भोगावतीचे माजी चेअरमन सदाशिवराव चरापले, संजयसिंह पाटील, गोकुळ संचालक राजेंद्र मोरे, अभिजीत तायशेटे, भोगावतीचे संचालक रविंद्र पाटील, माजी जि. प. सदस्य पांडुरंग भांदिगरे, राजाराम साखर कारखान्याचे माजी संचालक सुधाकर साळोखे, काँग्रेसचे समन्वयक सुशिल पाटील- कौलवकर, एम.डी. देसाई, भोगावती शिक्षण मंडळाचे संचालक बाजीराव चौगले, मोहन धुंदरे, सुनील हिंदुराव चौगले, राजेंद्र यादव, संजय कांबळे, शंकर फराक्टे, साताप्पा खाडे, जयवंत पाडळकर, शिवाजी आदमापुरे, गणेश पाटील, तानाजी चव्हाण, आनंदा पाटील, विलास पाटील, साताप्पा मगदूम, राजेंद्र पाटील, सुनील कांबळे, नेताजी वाघरे, शिवाजी पाटील, धर्मा कांबळे आदी उपस्थित होते.