कोल्हापूर : ट्रक – मोटार अपघातात ३ तरुण ठार; चौघे जखमी

कोल्हापूर: देवगड -कर्नाटकातील निपाणी या राज्य महामार्गावर सरवडे येथे ट्रक आणि मोटारची मध्यरात्री धडक झाली. या अपघातात राधानगरी तालुक्यातील सोळंकुर गावातील तीन युवक ठार झाले तर चौघेजण जखमी झाले. यामुळे सोळंकुर गावावर शोककळा पसरली आहे. शुभम चंद्रकांत धावरे, आकाश आनंदा परीट, रोहन संभाजी लोहार अशी मृत तरुणांची नावे आहेत. तर , ऋत्विक राजेंद्र पाटील, सौरभ सुरेश तेली, भरत धनाजी पाटील, संभाजी हणमंत लोहार हे जखमी झाले आहेत.