29 September 2020

News Flash

Ind vs Pak : टीम इंडियाचा ‘प्रिन्स दादा’, पाकिस्तानवरील विजयानंतर भुवनेश्वरने तलवारीने कापला केक

सेलिब्रेशनचा व्हिडीओ व्हायरल

तलवारीने केक कापताना भुवनेश्वर कुमार

आशिया चषकाच्या पहिल्या सामन्यात भारताने पारंपरिक प्रतिस्पर्धी पाकिस्तानवर ८ गडी राखून मात केली. भारतीय गोलंदाजांनी केलेल्या माऱ्यासमोर पाकिस्तानचा संघ १६२ धावांमध्ये गारद झाला. गोलंदाजीत भुवनेश्वर कुमार आणि केदार जाधव यांनी पाकिस्तानचे प्रत्येकी ३-३ फलंदाज माघारी धाडले. पाकिस्तानने दिलेलं आव्हान भारतीय फलंदाजांनी २ गड्यांच्या मोबदल्यात अगदी सहज पार केलं. गोलंदाजीत भुवनेश्वर कुमारने केलेल्या कामगिरीबद्दल त्याला सामनाविराचा किताब देऊन गौरवण्यात आलं.

पाकिस्तानवर मिळवलेल्या विजयानंतर हॉटेलवर परतलेल्या टीम इंडियाने केक कापून सेलिब्रेशन केलं. या सेलिब्रेशनमध्ये भुवनेश्वर कुमारमधला ‘प्रिन्स दादा’ सर्वांना दिसून आला. भुवनेश्वरने चक्क तलवारीने केक कापला. टीम इंडियाच्या या सेलिब्रेशनचा व्हिडीओ सध्या सोशल मीडियावर चांगलाच व्हायरल होतो आहे.

अ गटात दोन्ही सामने जिंकल्यानंतर भारताची Super 4 गटात, रविवारी पुन्हा एकदा पाकिस्तानशी लढत होणार आहे. त्यामुळे पहिल्या सामन्यात पाकिस्तानला पराभवाची धूळ चारल्यानंतर दुसऱ्या सामन्यातही भारतीय संघ कसा खेळ करतो याकडे सर्वांचं लक्ष असणार आहे. दरम्यान ब गटात बांगलादेश आणि अफगाणिस्तान या दोन संघांनी Super 4 गटात प्रवेश मिळवला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2018 3:55 pm

Web Title: asia cup 2018 bhuvneshwar cuts cake with sword after indias win over pakistan
Next Stories
1 फुटबॉल सामना पाहिल्याने तरुणीला पोलिसांनी घेतलं ताब्यात, इराणी तरुणीचा फोटो व्हायरल
2 Asia Cup 2018 : विराट कोहलीला पळपुट्या म्हणणाऱ्या पाकिस्तानी क्रिकेटरला गंभीरने सुनावले
3 विराट कोहलीची सचिन तेंडुलकरशी तुलना करु नका – रिकी पाँटींग
Just Now!
X