News Flash

मायदेशी परतलेल्या अभिनंदन यांचा BCCI कडून सन्मान

नवीन जर्सीचा पहिला क्रमांक अभिनंदन यांना सुपूर्द

पाकिस्तानच्या ताब्यात असलेल्या भारतीय हवाई दलाचे विंग कमांडर अभिनंदन वर्थमान यांना शुक्रवारी पाकिस्तानी सैन्याने भारताकडे सोपवलं. वाघा बॉर्डरच्या मार्गाने अभिनंदन वर्थमान सर्व सोपस्कार पार पाडून भारतात दाखल झाले, आणि त्यांच्या आगमनाकडे डोळे लावून बसलेल्या प्रत्येक भारतीयांनी एकच जल्लोष केला. भारतात दाखल झाल्यानंतर त्यांना विशेष विमानाने दिल्लीला नेण्यात आलं. अभिनंदन यांच्या घरवापसीनंतर सोशल मीडियावर त्यांच्या स्वागताचे अनेक मेसेज पडत आहेत. बीसीसीआयने अभिनंदन यांचं अनोख्या पद्धतीने स्वागत करत सर्वांचं मन जिंकलं आहे.

आगामी विश्वचषक स्पर्धेसाठी बीसीसीआयने आज नवीन जर्सीचं अनावरण केलं. या जर्सीचा पहिला क्रमांक अभिनंदन यांना देत बीसीसीआयने त्यांचं स्वागत केलं आहे. तुम्ही आमच्या हृदयात आहात, आणि तुम्ही दाखवलेल्या धैर्यामुळे भविष्यकाळातील पिढीला प्रेरणा मिळो अशा आशयाचा संदेश बीसीसीआयने आपल्या ट्विटर अकाऊंटवर टाकला आहे.

अभिनंदन यांच्या घरवापसीनंतर संपूर्ण देशभरात जल्लोषाचं वातावरण आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2019 10:03 pm

Web Title: bcci congratulate wing commander abhinandan in a unique way
टॅग : Bcci
Next Stories
1 IND vs AUS : मोहाली, दिल्ली सामन्यांचं ठिकाण बदलणार नाही – बीसीसीआय
2 टीम इंडिया नवीन रुपात मैदानावर येणार, पाहा नव्या जर्सीचे फोटो…
3 Welcome Home Abhinandan : अभिनंदन यांच्या शौयाला वीरेंद्र सेहवागचा सलाम
Just Now!
X