News Flash

स्क्वॉश : दीपिका पल्लीकल अंतिम फेरीत

भारताची अव्वल खेळाडू दीपिका पल्लीकल हिने टेक्सास खुल्या स्क्वॉश स्पर्धेत अंतिम फेरी गाठली. तिने उपांत्य फेरीत आर्यलडच्या मॅडेलिना पेरी हिच्यावर ३-२ असा निसटता विजय नोंदवला.

| April 14, 2014 04:20 am

भारताची अव्वल खेळाडू दीपिका पल्लीकल हिने टेक्सास खुल्या स्क्वॉश स्पर्धेत अंतिम फेरी गाठली. तिने उपांत्य फेरीत आर्यलडच्या मॅडेलिना पेरी हिच्यावर ३-२ असा निसटता विजय नोंदवला.
चुरशीच्या झालेल्या या लढतीत दीपिकाने ११-७, ११-१३, १३-११, १०-१२, ११-४ असा रोमहर्षक विजय संपादन केला. २२ वर्षीय खेळाडू दीपिकाने यंदा प्रथमच अव्वल दर्जाच्या स्पर्धेत अंतिम फेरी गाठली आहे. तिला विजेतेपदासाठी इजिप्तच्या नूर एल शेर्बिनी हिच्या आव्हानाला सामोरे जावे लागणार आहे. उपांत्य फेरीत शेर्बिनी हिने मलेशियाची अव्वल मानांकित खेळाडू निकोली डेव्हिड हिच्यावर सनसनाटी विजय नोंदविला. उपांत्य लढतीनंतर दीपिका म्हणाली, ‘‘मला हा सामना जिंकण्यासाठी खूपच संघर्ष करावा लागला. पेरी ही अतिशय अनुभवी खेळाडू आहे. मी तिच्याविरुद्ध कसे खेळावयाचे, याचे नियोजन केले होते आणि त्यानुसारच माझा खेळ झाल्यामुळे हा सामना मी जिंकू शकले. अंतिम फेरीत शेर्बिनीविरुद्धही मला संघर्ष करावा लागणार आहे. तिने या स्पर्धेत आतापर्यंत अनपेक्षित विजय नोंदविले आहेत. त्यामुळे मी तिला कमी लेखत नाही.’’

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 14, 2014 4:20 am

Web Title: dipika pallikal packs off perry to enter texas open final
टॅग : Dipika Pallikal
Next Stories
1 मुंबईच्या प्रशिक्षकाचा फैसला आज
2 बडोदा, उत्तर प्रदेश अंतिम झुंज
3 आयपीएलमधील भ्रष्टाचाराची सीबीआय चौकशी व्हावी -वर्मा
Just Now!
X