28 May 2020

News Flash

अंतिम फेरीतल्या शतकासह मनजोत कालरा ठरला ‘या’ विक्रमाचा मानकरी

अंतिम सामन्यात मनजोतची शतकी खेळी

उन्मुक्त चंदनंतर विश्वचषकाच्या अंतिम फेरीत शतक झळकावणारा मनजोत दुसरा भारतीय खेळाडू

पृथ्वी शॉच्या नेतृत्वाखाली भारतीय संघाने १९ वर्षाखालील विश्वचषकाच्या अंतिम फेरीत ऑस्ट्रेलियावर ८ गडी राखून मात केली. या फेरीत भारताकडून विजयाचा हिरो ठरला. अंतिम फेरीत मनजोत कालराने १०१ धावांची नाबाद शतकी खेळी केली. या खेळीसह मनजोत १९ वर्षाखालील विश्वचषकाच्या अंतिम फेरीत शतक झळकावणारा दुसरा भारतीय फलंदाज ठरला आहे. याआधी दिल्लीच्या उन्मुक्त चंदने हा पराक्रम केला होता. या शतकासह मनजोत कालराला उन्मुक्त चंद, ब्रेट विल्यम्स, स्टिफन पिटर्स आणि जेराड ब्युर्क या खेळाडूंच्या पंक्तीत स्थान मिळालं आहे.

कर्णधार पृथ्वी शॉ सोबत भारतीय डावाची सुरुवात करताना कालराने आक्रमक सुरुवात केली. चौथ्या षटकात ऑस्ट्रेलियाच्या झॅक इव्हान्सच्या गोलंदाजीवर उत्तुंग षटकार ठोकत कालराने आपले मनसुबे स्पष्ट केले. यानंतर मनजोतने सामन्यात मागे वळून पाहिलंच नाही. पृथ्वी शॉ सोबत कालराने पहिल्या विकेटसाठी अर्धशतकी भागीदारी केली. याचसोबत पृथ्वी शॉ माघारी परतल्यानंतर मनजोतने संयमी खेळी करत भारतीय संघाची पडझड होऊ दिली नाही. त्याच्या या खेळीचं भारतीय संघातील खेळाडूंनीही तोंडभरुन कौतुक केलं आहे.

सामना जिंकल्यानंतर मनजोतने प्रशिक्षक राहुल द्रविडसह सर्व सहकाऱ्यांचे आभार मानले. फलंदाजीसाठी ही खेळपट्टी चांगली होती त्यामुळे लक्ष्याचा पाठलाग करत असताना फारसा त्रास जाणवला नाही, असंही मनजोत म्हणाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2018 3:03 pm

Web Title: icc u 19 world cup new zealand 2018 manjot kalra becomes 2nd indian who hits century in world cup final match
Next Stories
1 Ind vs Aus U-19 World Cup Final: विश्वविजेत्या टीम इंडियावर शुभेच्छांचा वर्षाव
2 विश्वचषक विजेत्या संघावर बीसीसीआयकडून बक्षिसांचा वर्षाव
3 U-19 World Cup: ऑस्ट्रेलियाच्या कर्णधाराचं भारताशी असणारं नातं माहिती आहे?
Just Now!
X