News Flash

IND vs AUS : सुरक्षा रक्षकानं घेतला कोहलीचा झेल, क्रिकेट ऑस्ट्रेलियानं केलं कौतुक

सीमारेषेच्या बाहेर उभ्या असणाऱ्या सुरक्षा रक्षकाने झेलला चेंडू

ऑस्ट्रेलिया आणि भारत यांच्यात रविवारी झालेल्या तिसऱ्या टी२० सामन्यात भारताने सामना ६ गडी राखून जिंकला. या मालिकेत पहिला सामना ऑस्ट्रेलियाने जिंकला होता तर दुसरा सामना पावसामुळे रद्द करण्यात आला होता. अशा परिस्थितीमध्ये मालिका वाचवण्यासाठी भारताला सामना जिंकणे अनिवार्य होते. त्यानुसार विराट कोहलीने कर्णधारपदाला साजेशी खेळी करत भारताला विजय मिळवून दिला.

कोहलीने या सामन्यात ४१ चेंडूत नाबाद ६१ धावा केल्या. या खेळीत त्याने ४ चौकार आणि २ षटकार लगावले. ६१ धावांची खेळी करताना कोहलीने सुरुवातीला संयमी तर गरजेनुसार तुफानी खेळी केली. याच दरम्यान ग्लेन मॅक्सवेल याच्या गोलंदाजीवर १७व्या षटकात कोहलीने एक उत्तुंग षटकार लगावला. हा षटकार ऑस्ट्रेलियाच्या खेळाडूंपैकी कोणाचाही हाती लागला नाही. पण सीमारेषेच्या बाहेर उभ्या असणाऱ्या सुरक्षा रक्षकाने तो चेंडू झेलला. कोहलीचा झेल पकडल्यानंतर प्रेक्षकांनी त्याचे कौतुक केलेच. पण याशिवाय ऑस्ट्रेलिया क्रिकेट मंडळानेही ट्विट करत त्याचे कौतुक केले.

 

दरम्यान, या सामन्यात प्रथम फलंदाजी करत ६ बाद १६४ धावा केल्या होत्या. ऑस्ट्रेलियाकडून सलामीवीर डार्सी शॉर्ट याने सर्वाधिक ३३ धावा केल्या. या आंबवहनाचा पाठलाग करताना विराट कोहलीने शेवटपर्यंत झुंज देत अर्धशतकी खेळी केली आणि भारताला सामना जिंकवून दिला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 26, 2018 6:43 pm

Web Title: ind vs aus security guard caught kohli outside boundary rope cricket australia praised
टॅग : Ind Vs Aus,Virat Kohli
Next Stories
1 IND vs AUS : पहिल्या कसोटीत ‘ही’ सलामीची जोडी खेळवा – सुनील गावसकर
2 न्यूझीलंडची दैना; एकाच डावात यासीर शहाचे ८ बळी
3 IND vs AUS : कोहलीवर बाऊन्सरचा भडीमार करण्याचा चॅपलचा सल्ला
Just Now!
X