28 October 2020

News Flash

IND vs NZ : टी२० मालिकेत विराटच्या विक्रमाला रोहितपासून धोका

६ फेब्रुवारीपासून ३ सामन्यांची टी२० मालिका

भारताचा नियमित कर्णधार विराट कोहली याला न्यूझीलंडविरुद्ध टी२० मालिकेत विश्रांती देण्यात आली आहे. त्यामुळे उपकर्णधार रोहित शर्मा याला आगामी टी२० मालिकेत भारतीय संघाचे नेतृत्व देण्यात आले आहे. ६ फेब्रुवारीपासून ही टी२० मालिका सुरु होणार असून या मालिकेत ३ सामने खेळण्यात येणार आहेत. या मालिकेत रोहित शर्माला कर्णधार कोहलीचा विक्रम मोडण्याची संधी आहे.

रोहितने एकूण १२ टी२० सामन्यांत भारतीय संघाचे नेतृत्व केले आहे. त्यात त्याला ११ सामन्यात विजय मिळवता आला आहे. तर दुसरीकडे कोहलीने २० टी२० सामन्यांत नेतृत्व करताना भारताला १२ विजय मिळवून दिले आहेत. रोहितला आगामी टी२० मालिकेत विजय मिळवून कोहलीचा विक्रम मोडण्याची संधी आहे. या यादीत सर्वाधिक टी२० सामने जिंकण्याचा विक्रम माजी कर्णधार महेंद्रसिंग धोनी याच्या नावे आहे.

धोनीने ७२ सामन्यांत ४१ विजय मिळवले आहेत. मात्र टी२० क्रिकेटमध्ये भारतीय कर्णधार म्हणून रोहितची विजयाची टक्केवारी (कमीत कमी ५ सामने) सर्वात जास्त आहे. रोहितची टक्केवारी ९१.६६ आहे, तर कोहलीची टक्केवारी ६३.१५ इतकी आहे.

दरम्यान, न्यूझीलंडविरुद्धच्या एकदिवसीय मालिकेतदेखील अखेरच्या दोन सामन्यांत रोहितनेच संघाचे नेतृत्व केले होते. त्यातील १ सामना भारताने जिंकला तर एक सामना भारताने गमावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 4, 2019 6:47 pm

Web Title: ind vs nz t20 rohit sharma can break virat kohli record in t20 wins
Next Stories
1 IND vs NZ : भर मैदानात रोहितने केला चहलचा अपमान
2 शेन वॉर्नने काढला ICC चा ‘कॉमन सेन्स’
3 IND vs NZ : गप्टिल टी२० मालिकेतून बाहेर; ‘या’ स्फोटक फलंदाजाला संघात स्थान
Just Now!
X