News Flash

स्नेह राणाचा झुंजार बाणा..! भारताने इंग्लंडविरुद्धची एकमेव कसोटी राखली अनिर्णित

पराभवाच्या छायेत असलेल्या भारताला राणाने अफलातून खेळी करत तारले

स्नेह राणा

स्नेह राणाची अष्टपैलू कामगिरी आणि शफाली वर्माच्या उत्कृष्ट फलंदाजीच्या जोरावर भारतीय महिला संघ इंग्लंडविरुद्धची एकमेव कसोटी अनिर्णीत राखण्यात यशस्वी ठरला. नाणेफेक जिंकल्यानंतर प्रथम फलंदाजी करताना इंग्लंडच्या संघाने ९ बाद ३९६ धावांवर आपला डाव घोषित केला. प्रत्युत्तरादाखल टीम इंडिया पहिल्या डावात २३१ धावांवर बाद झाली. इंग्लंडने भारताला फॉलोऑन दिला. त्यानंतर अखेरच्या दिवशी दुसर्‍या डावात ८ बाद ३४४ धावा करुन भारताने सामना वाचवला. दोन्ही डावात अर्धशतके ठोकणाऱ्या शफालीला सामनावीर पुरस्काराने गौरवण्यात आले.

पदार्पणवीरांची झुंज

पदार्पणाच्या कसोटी सामन्यात शफाली वर्मा आणि स्नेह राणा यांनी आपली चमक दाखविली. दुसर्‍या डावात शफाली वर्माने ६३, दीप्ती शर्माने ५४, पूनम राऊतने ३९, स्नेह राणाने नाबाद ८० आणि तानिया भाटियाने नाबाद ४४ धावा केल्या. एका वेळी भारतीय संघ २४० धांवात ८ गडी गमावल्यानंतर पराभवाच्या मार्गावर होता, पण स्नेह राणा आणि भाटियाने १०४ धावांची नाबाद शतकी भागीदारी करून भारताला पराभवापासून वाचवले.

 

स्नेह राणाने अष्टपैलू कामगिरी दाखवली आहे. गोलंदाजीत तिने ४ बळी घेतले आणि फलंदाजीतही दमदार कामगिरी करत टीम इंडियाला अडचणीतून बाहेर काढले.

संक्षिप्त धावफलक –

  • नाणेफेक – इंग्लंड (फलंदाजी)
  • इंग्लंड पहिला डाव – ३९६ ९ (डा घोषित)
  • भारत पहिला डाव – २३१/१०
  • भारत दुसरा डाव (फॉलोऑन) – ३४४/८ (सामना अनिर्णित)

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2021 11:53 pm

Web Title: india hold on to draw womens test against england in bristol adn 96
Next Stories
1 Euro cup 2020: जर्मनीकडून गतविजेत्या पोर्तुगालचा धुव्वा, दोन आत्मघाती गोल भोवले
2 WTC Final Day 2 : अंधूक प्रकाशामुळे खेळ थांबला, विराट-अजिंक्यची जोडी जमली
3 Euro cup 2020: ग्रीझमनमुळे फ्रान्सची हंगेरीशी १-१ अशी बरोबरी
Just Now!
X