भारत-दक्षिणआफ्रिका कसोटी सामन्यात चौथ्या दिवसात भारताने दुस-या डावात ४२१ धावा केल्या आहेत. भारताकडे सध्या ४५७ धावांनी आघाडी आहे. भारताने दुस-या डावात दक्षिण आफ्रिकेसमोर ४५७ धावांचे आव्हान ठेवले आहे.चौथ्या दिवशी खेळाला सुरुवात झाल्यानंतर सकाळच्या सत्रात चेतेश्वर पूजाराने दीडशतक झळकवले. दुस-या डावात भारताला भक्कम आघाडी मिळवून देणारा चेतेश्वर पूजारा (१५३) धावांवर बाद झाला त्यापाठोपाठ रोहित शर्माही (६) धावांवर बाद झाला. दोघांना कॅलिसने बाद केले. त्यानंतर विराट कोहली (९६) धावांवर बाद झाला. जे.पी. डुयूमिनीने त्याला डिव्हीलियर्सकरवी झेलबाद केले. विराटचे दुसरे शतक अवघ्या चार धावांनी हुकले. दुस-या डावात केलेल्या ४२१ धावांमुळे भारताने या सामन्यावर आपली पकड कायम ठेवली आहे.
