…म्हणून अंतिम सामन्याच्या वेळी दिनेश कार्तिक होता नाराज

अंतिम सामन्यानंतर घेण्यात आलेल्या पत्रकार परिषदेत माध्यमांशी संवाद साधताना कार्तिकला एक स्थान पुढे म्हणजे सातव्या स्थानावर जाऊन खेळण्यास सांगितल्याने तोही नाराज असल्याचं त्याने स्पष्ट केलं. याविषयीच सांगत रोहित म्हणाला, ‘तुलाच सामना संपवायचा आहे. तुझ्या खेळाचं जे काही कौशल्य आहे, त्याची अखेरच्या तीन- चार षटकांमध्ये संघाला गरज लागणार आहे. त्यामुळे तू सातव्या स्थानावर खेळण्यास जा, असं मी त्याला सांगितलं होतं. तो हे करु शकत होता, त्यामुळेच त्याला १३ व्या षटकात सहाव्या स्थानावर खेळण्यासाठी पाठवलं नव्हतं. या निर्णयावर तो नाराज होता.’

पाहा : Video: अखेरच्या चेंडूवर षटकार खेचत कार्तिक ठरला हिरो, तो क्षण पुन्हा एकदा अनुभवायचा आहे??

सातव्या स्थानावर येण्याची नाराजी घेऊनच दिनेश कार्तिक मैदानात उतरला आणि त्याने अफलातून फटकेबाजी करत बांगलादेश संघाच्या हातातोंडाशी गेलेला निदाहास चषकाच्या अंतिम सामन्यातील विजय हिसकावून भारतीय संघाला सामना जिंकून दिला. आपल्या या खेळीमुळे त्याला आनंदच झाला असणार यात शंका नाही, असं म्हणत कार्तिकने आपला विश्वास सार्थ ठरवल्याची भावना रोहितने व्यक्त केली. त्याशिवाय येत्या काळात आपल्या खेळीमुळे खुद्द कार्तिकला प्रोत्साहन मिळेल यात शंका नाही, असंही त्याने स्पष्ट केलं.