News Flash

बोल्ट, फ्रेझरच्या सुवर्णपदकांची हॅट्ट्रिक

जमैकाच्या युसेन बोल्ट व शेली अ‍ॅनी फ्रेझर यांनी जागतिक मैदानी स्पर्धेत अनुक्रमे पुरुष व महिलांच्या ४ बाय १०० मीटर रिले शर्यतीत सुवर्णपदक जिंकून

| August 19, 2013 04:33 am

जमैकाच्या युसेन बोल्ट व शेली अ‍ॅनी फ्रेझर यांनी जागतिक मैदानी स्पर्धेत अनुक्रमे पुरुष व महिलांच्या ४ बाय १०० मीटर रिले शर्यतीत सुवर्णपदक जिंकून हॅट्ट्रिक पूर्ण केली.
जमैकाने पुरुषांची ४ बाय १०० मीटर रिले शर्यत ३७.३६ सेकंदांत पार केली. त्यावेळी त्यांच्या संघात नेस्टा कार्टर, केमर बॅली कोल, निकेल अ‍ॅशमेड व युसेन बोल्ट यांचा समावेश होता. बोल्टने या स्पर्धेत १०० व २०० मीटर धावण्याची शर्यतही जिंकली होती. अमेरिकेने ३७.६६ सेकंदांत ही शर्यत जिंकून रौप्यपदक मिळविले. इंग्लंडने हे अंतर ३७.८० सेकंदांत पार करीत तिसरा क्रमांक घेतला होता. मात्र त्यांच्या खेळाडूंनी नियमाचा भंग केल्यामुळे त्यांच्या संघाला बाद करण्यात आले. कॅनडाला कांस्यपदक बहाल करण्यात आले. त्यांनी हे अंतर ३७.९२ सेकंदांत पार केले.
महिलांमध्ये फ्रेझरने १०० व २०० मीटर शर्यतीपाठोपाठ संघाला रिले शर्यतीचेही विजेतेपद मिळवून दिले. कॅरी रसेल, कॅरेन स्टुअर्ट, शिलोनी कॅलव्हर्ट व शैली फ्रेझर यांचा समावेश असलेल्या जमैकाच्या संघाने ४ बाय १०० मीटर रिले शर्यत ४१.२९ सेकंदात जिंकली. फ्रान्स (४२.७३ सेकंद) व अमेरिका (४२.७५ सेकंद) यांना अनुक्रमे रौप्य व कांस्यपदक मिळाले. ८०० मीटर धावण्याच्या शर्यतीत केनियाच्या ईम्युनीस जेपकोच सुमने सुवर्णपदक मिळविले. तिने ही शर्यत एक मिनिट ५७.३८ सेकंदांत पार केली. रशियाच्या मारिया सॅव्हिनोवा व अमेरिकेची ब्रँन्डा मार्टिनेझ यांनी अनुक्रमे रौप्य व कांस्यपदक पटकाविले.
पुरुषांची १५०० मीटर अंतराची शर्यत केनियाच्या अ‍ॅसबेई किपरोप याने तीन मिनिटे ३६.२८ सेकंदात जिंकली. मॅथ्यू सेंट्रोविट्झ (अमेरिका) व जोहान क्रोनिए (दक्षिण आफ्रिका) हे अनुक्रमे रौप्य व कांस्यपदकाचे मानकरी ठरले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 19, 2013 4:33 am

Web Title: leading jamaica to 4x100m relay win usain bolt equals carl lewis record of 8 golds
Next Stories
1 लंगडीची धाव नेपाळकडे!
2 ‘खेलरत्न’साठी पुनियाला वाढता पाठिंबा
3 सिंधुने पुन्हा केले निराश; अवध वॉरियर्स पराभूत
Just Now!
X