न्यूझीलंडबरोबर सुरु असलेल्या टी-२० सामन्यात पाकिस्तानच्या मोहम्मद हाफिज याचं शतक अवघ्या एका धावेनं हुकलं आहे. सेडन पार्क, हॅमिल्टन येथे झालेल्या दुसऱ्या टी-२० सामन्यात पाकिस्तानच्या मोहम्मद हाफिजनं नाबाद ९९ धावांची खेळी केली. ४० व्या वर्षी हाफिजने केलेल्या ९९ धावांच्या तुफानी खेळीमुळे सोशल मीडियावर त्याच्यावर कौतुकाचा वर्षाव होत आहे.
दुसऱ्या टी-२० सामन्यात न्यूझीलंडनं पाकिस्तानचा ९ गड्यांनी पराभव केला. मात्र या सामन्यात ४० वर्षीय मोहम्मद हाफिजचीच चर्चा झाली. कारण त्न्यानं आपल्या टी२० कारकिर्दीतील सर्वोत्तम फलंदाजी प्रदर्शन केले. हाफिजनं ५७ चेंडूत ९९ धावांची तुफानी खेळी केली आहे. ५ षटकार आणि १० चौकारांच्या मदतीने हाफिजनं टी२० कारकिर्दीतील सर्वोत्तम खेळीचं प्रदर्शन केले. टीम साऊदीने आघाडीच्या तिन्ही फलंदाजांना माघारी धाडत पाहुण्या संघाची हालत ३ बाद ३३ अशी केली. मात्र यानंतर अनुभवी मोहम्मद हाफीजने एक बाजू लावून धरत फटकेबाजी केली.
Mohammad Hafeez slams the highest T20I score of his career — off 57 balls
Pakistan finish on 163/6
Can they defend the total to level the series? #NZvPAK pic.twitter.com/EGj67joagi
— ICC (@ICC) December 20, 2020
न्यूझीलंडने दुसऱ्या टी-२० सामन्यात पाकिस्तानचा ९ गडी राखत धुव्वा उडवून मालिकेवर कब्जा केला आहे. ३ टी-२० सामन्यांच्या मालिकेत न्यूझीलंडकडे आता २-० अशी विजयी आघाडी आहे. पाकिस्तानने विजयासाठी दिलेलं १६४ धावांचं आव्हान न्यूझीलंडने टीम सेफर्ट आणि केन विल्यमसन यांच्या नाबाद अर्धशतकी खेळाच्या जोरावर पूर्ण केलं. सेफर्टने ८४ तर विल्यमसनने ५७ धावा केल्या.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on December 20, 2020 3:42 pm
