बॉलिवूड आणि क्रिकेट हे दोन विषय भारतात सर्वाधिक चर्चिले जातात. अनेकदा या दोन क्षेत्रांमधील काही खास नातीदेखील पाहायला मिळतात. या चर्चा रंगल्या की आपोआपच क्रिकेटपटू विराट कोहली आणि अभिनेत्री अनुष्का शर्मा, क्रिकेटपटू हरभजन सिंग आणि अभनेत्री गीता बसरा, क्रिकेटपटू जहीर खान आणि अभिनेत्री सागरिका घाडगे अशा अनेक जोड्या डोळ्यापुढे येतात. टीम इंडियाचे प्रशिक्षक रवी शात्री आणि अभिनेत्री निमरत कौर हा देखील काही दिवस अनेकांच्या चर्चेचा विषय ठरला. यातच आता क्रिकेटपटू मोहम्मद कैफ आणि अभिनेत्री कतरिना कैफ यांच्याबाबतही ट्विटरवर चर्चा रंगलेली पाहायला मिळाली.

‘आस्क कैफ’ या अंतर्गत एका चाहत्याने मोहम्मद कैफ याला कतरिना कैफबाबत प्रश्न विचारला. ‘मोहम्मद कैफ सर, तुम्ही अभिनेत्री कतरिना कैफ यांचे नातेवाईक आहात का? आणि जर नसाल तर भविष्यात त्यांच्याशी तुमचे काही नाते प्रस्थापित होऊ शकते का?’ असा प्रश्न एका चाहत्याने मोहम्मद कैफ याला ट्विटरवर विचारला.

त्यावर, ‘मी कतरिनाचा नातेवाईक नाही आणि मी माझ्या वैवाहिक जीवनात सुखी आहे’, असे कैफने अत्यंत सुंदर उत्तर दिले.

कतरिनाला तिचे कैफ हे आडनाव कसे मिळाले याबाबत मी एक गोष्ट ऐकली आहे. त्या गोष्टीनुसार तिचे माझ्या आडनावाशी मात्र काही तरी नाते असावे, असे तो म्हणाला.