हार्दिकची जागा घेण्यासाठी नाही, देशासाठी सर्वोत्तम कामगिरी करण्यावर भर – शिवम दुबे

“मी या संधीकडे हार्दिक पांड्याची जागा घेण्याच्या दृष्टीकोनातून पाहत नाहीये. मला माझ्या देशासाठी सर्वोत्तम कामगिरी करायची आहे, आणि या संधीचा मी पुरेपूर वापर करेन. संघातला प्रत्येक जण मला पाठींबा देतो आहे. त्यामुळे मी या वातावरणात स्थिरावलो आहे.” शिवम दुबेने आपली प्रतिक्रीया व्यक्त केली. भारतीय संघाच्या वेस्ट इंडिजविरुद्ध मालिकेत शिवम दुबेची भारतीय संघात निवड झालेली आहे.

६ डिसेंबरपासून वेस्ट इंडिजच्या भारत दौऱ्याला सुरुवात होणार आहे. या दौऱ्यात भारतीय संघ ३ टी-२० आणि ३ वन-डे सामने खेळणार आहे. या वर्षातला भारतीय संघाचा हा अखेरचा दौरा असणार आहे, यानंतर भारतीय संघ २०२० साली न्यूझीलंड दौऱ्यावर जाणार आहे.