News Flash

अपेक्षा वाढल्यामुळे अधिक मेहनत घ्यावी लागेल!

बॅडमिंटनपटू पी. व्ही. सिंधूचे प्रतिपादन

रिओ ऑलिम्पिकमध्ये रौप्यपदक विजेत्या पी. व्ही. सिंधूचा ऑलिम्पिक गोल्ड क्वेस्टतर्फे बुधवारी मुंबईत सत्कार करण्यात आला. यावेळी (डावीकडून) विश्वनाथन आनंद, पी. गोपीचंद, गीत सेठी आणि वीरेन रस्किना उपस्थित होते.

बॅडमिंटनपटू पी. व्ही. सिंधूचे प्रतिपादन

रिओ ऑलिम्पिक स्पध्रेतील रौप्यपदकाने माझ्यावरील अपेक्षांमध्ये आणखी वाढ झाली आहे. त्यामुळे मला आता अधिक मेहनत घ्यावी लागणार आहे, असे बॅडमिंटनपटू पी. व्ही. सिंधूने सांगितले.

‘ऑलिम्पिक गोल्ड क्वेस्ट’ (ओजीक्यू) या संस्थेतर्फे सिंधू आणि तिचे प्रशिक्षक पुल्लेला गोपीचंद यांचा बुधवारी सत्कार करण्यात आला. त्यावेळी ती म्हणाली, ‘‘ऑलिम्पिक पदक मिळाल्यापासून जबाबदारी वाढली आहे. प्रत्येकाच्या नजरा आता माझ्यावर खिळल्या आहेत. ही तर फक्त सुरुवात आहे. परंतु मला मेहनत वाढवायला हवी, याची जाणीव झाली आहे.’’

‘‘माझ्या कामगिरीमुळे मी अतिशय आनंदित आहे. विश्व अजिंक्यपद स्पध्रेत पहिले कांस्यपदक जिंकले, तेव्हापासूनच क्रीडारसिकांनी माझ्यावर विश्वास ठेवला. चार वर्षांतून एकदा येणाऱ्या प्रतिष्ठेच्या ऑलिम्पिकमध्ये या अपेक्षा आणखी वाढल्या. अजून बराच पल्ला गाठायचा आहे,’’ असे २१ वर्षीय सिंधूने सांगितले.

स्पेनच्या कॅरोलिन मारिनविरुद्ध तीन गेममध्ये लढतीत पराभूत झाल्यामुळे सिंधूला गेल्या महिन्यात ऑलिम्पिकमध्ये रौप्यपदकावर समाधान मानावे लागले होते. ‘ओजीक्यू’ ही संस्था तिला १५व्या वर्षीपासून पाठबळ देत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2016 4:14 am

Web Title: p v sindhu 3
Next Stories
1 बीसीसीआयच्या दबावामुळे द्विस्तरीय कसोटीचा प्रस्ताव मागे
2 …तर मॅक्सवेलला रोखण्याचा हाच एकमेव उपाय- अश्विन
3 2016 Summer Paralympics: पॅरा ऑलिम्पिक स्पर्धेच्या निमित्ताने गुगलचे खास डुडल
Just Now!
X