प्रो-कबड्डीच्या सातव्या हंगामात बंगळुरु बुल्सच्या पवन शेरावतने धडाकेबाज खेळी करत अनोख्या विक्रमाची नोंद केली आहे. बंगळुरुने हरयाणा स्टिलर्सवर ५९-३६ ने मात केली. पवनने या सामन्यात चढाईमध्ये तब्बल ३९ गुणांची कमाई केली. या कामगिरीसह पवन प्रो-कबड्डीच्या इतिहासात चढाईमध्ये सर्वाधिक गुण कमावणारा खेळाडू ठरला आहे. पवनने पाटणा पायरेट्सच्या प्रदीप नरवालच्या नावे असलेला विक्रम मोडला आहे. प्रदीपने एका सामन्याच चढाईमध्ये ३४ गुणांची कमाई केली होती. या विजयासह गतविजेत्या बंगळुरु बुल्सने सातव्या हंगामातील प्ले-ऑफच्या सामन्यांसाठी आपलं स्थान पक्क केलं आहे. आतापर्यंत ५ संघांनी प्ले-ऑफमध्ये आपली जागा पक्की केली असून, सहाव्या स्थानासाठी यूपी योद्धा आणि जयपूर पिंक पँथर्स यांच्यात लढाई असणार आहे.
