28 September 2020

News Flash

रायडर कोमातून बाहेर; पण हल्ल्यासंदर्भात विस्मरण

न्यूझीलंडचा क्रिकेटपटू जेसी रायडर शनिवारी कोमातून बाहेर आला आहे. परंतु हल्ल्याच्या आघातामधून तो अद्याप पूर्णत: सावरलेला नाही, असे त्याचे व्यवस्थापक आरोन क्ली यांनी सांगितले.

| March 31, 2013 02:19 am

न्यूझीलंडचा क्रिकेटपटू जेसी रायडर शनिवारी कोमातून बाहेर आला आहे. परंतु हल्ल्याच्या आघातामधून तो अद्याप पूर्णत: सावरलेला नाही, असे त्याचे व्यवस्थापक आरोन क्ली यांनी सांगितले.
ख्राइश्चर्चमधील एका बारबाहेर गुरुवारी पहाटे रायडरवर प्राणघातक हल्ला झाला. त्यानंतर चिंताजनक अवस्थेत रायडरला इस्पितळात दाखल करण्यात आले आणि कृत्रिम श्वासोच्छ्वास पुरविण्यात आला. त्याच्या डोक्याला आणि फुप्फुसाला गंभीर स्वरूपाच्या जखमा आढळल्या.
या हल्ल्याप्रकरणी दोघांना ताब्यात घेण्यात आले आहे. पोलिसांनी दिलेल्या माहितीनुसार, दोनच हल्लेखोरांनी रायडरला मारहाण केली असावी. परंतु साक्षीदारांनी दिलेल्या माहितीनुसार, या घटनेत चार हल्लेखोरांचा समावेश होता.
‘‘जेसीची प्रकृती सुधारत असून, तो कोमातून बाहेर आला आहे. याचप्रमाणे व्हेंटिलेटरसुद्धा काढण्यात आले आहे. जेसी आता आमच्याशी संवाद करतो. परंतु पुन्हा पूर्ववत होण्यासाठी आयुष्याची मोठी लढाई करावी लागणार आहे. परंतु ही प्रक्रिया सकारात्मक पद्धतीने सुरू झाली आहे,’’ असे क्ली म्हणाले. रायडरला हल्ल्यासंदर्भात काहीही आठवत नसल्याचे क्ली यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 31, 2013 2:19 am

Web Title: raider out of coma but forgot about attack
टॅग Attack,Sports
Next Stories
1 मुंबई शहर तालीम संघ रस्त्यावर!
2 खो-खोपटूंना हवी सक्षम आर्थिक भविष्याची हमी
3 आयपीएलवर बहिष्काराचे श्रीलंकेत वारे
Just Now!
X