News Flash

IPL 2018: संदीप लामिचेन आयपीएलमध्ये खेळणारा पहिला नेपाळी क्रिकेटपटू

मायकेल क्लार्कच्या मुशीत संदीप तयार झाला आहे.

Sandeep Lamichhane: दिल्ली डेअरडेव्हिल्सने त्याच्यासाठी २० लाख रूपयांची बोली लावली.

संदीप लामिचेनने आयपीएलच्या इतिहासात आपल्या नावाची नोंद केली आहे. आयपीएलमध्ये सहभागी होणारा संदीप हा पहिला नेपाळी क्रिकेटपटू ठरला आहे. दिल्ली डेअरडेव्हिल्सने त्याच्यासाठी २० लाख रूपयांची बोली लावली. सतरा वर्षीय संदीपने ९ सामने खेळले असून तो लेगब्रेक गुगली गोलंदाज आहे. ऑस्ट्रेलियाचा माजी क्रिकेटपटू मायकेल क्लार्कला संदीपकडून अव्वल कामगिरीची अपेक्षा आहे. संदीप हा क्लार्कच्या मुशीतच तयार झाला आहे.

या वर्षाच्या सुरूवातीला हाँगकाँगमध्ये त्याला मार्गदर्शन करण्याची संधी मिळाली. त्याच्यात उच्च गुणवत्ता आहे, असे गौरवोद्गार क्लार्कने काढले आहेत. संदीप हा एक उत्कृष्ठ क्रिकेटपटू असून तो आपल्या खेळाचा आनंद घेतो. अत्यंत प्रतिभाशाली खेळाडुला मिळालेली ही महत्वाची संधी असल्याचे तो म्हणाला.

बांगलादेश येथे २०१६ साली झालेल्या १९ वर्षांखालील क्रिकेट विश्वचषकात सर्वांधिक बळी घेण्यामध्ये त्याचा दुसरा क्रमांक लागतो. त्याने १४ बळी घेतले होते. ५ गड्यांच्या बदल्यात २७ विकेट ही त्याची सर्वोच्च कामगिरी होती. ऑस्ट्रेलियाचा माजी क्रिकेटपटू व महान लेगस्पिनर शेन वॉर्ननेही त्याच्या कामगिरीचे कौतुक केले.

दिल्ली डेअरडेव्हिल्सने संदीपसाठी २० लाखांची बोली लावली. त्यांनी संदीपचे स्वागत केले असून आयपीएलच्या इतिहासात प्रथमच एक नेपाळी खेळाडू खेळत असल्याचे दिल्ली डेअरडेव्हिल्सने ट्विट केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 28, 2018 3:07 pm

Web Title: sandeep lamichhane first nepals cricket player who play ipl 2018 bought by delhi daredevils for 20 lakhs
Next Stories
1 IPL 2018: अफगाणिस्तानच्या १७ वर्षीय मुजीबला मिळाले तब्बल ४ कोटी
2 IPL 2018 : गौतम गंभीर दिल्ली डेअरडेविल्सचा कर्णधार असेल – रिकी पाँटींग
3 IPL AUCTION 2018 – अखेरच्या फेरीत ख्रिस गेलवर पंजाबकडून बोली, जयदेव उनाडकट ठरला सर्वात महागडा भारतीय खेळाडू
Just Now!
X