सरफराज अहमदवर ४ सामन्यांची बंदी, वर्णद्वेषी वक्तव्य भोवलं

दक्षिण आफ्रिकी खेळाडूवर वर्णद्वेषी टीका केल्याबद्दल पाकिस्तानी संघाचा कर्णधार सरफराज अहमदवर आयसीसीने ४ सामन्यांची बंदी घातली आहे. दक्षिण आफ्रिकेविरुद्ध दुसऱ्या वन-डे सामन्यादरम्यान सरफराजने दक्षिण आफ्रिकेच्या अँडील फेलुक्वायोला उद्देशून वर्णद्वेषी आणि आक्षेपार्ह वक्तव्य केलं होतं. त्याचं हे वक्तव्य सामना सुरु असताना स्टम्प जवळच्या माईकमध्ये रेकॉर्ड झालं.