भारतीय महिला हॉकी संघाने उपांत्य फेरी गाठत टोक्यो ऑलिम्पिकमध्ये इतिहास रचला. पण त्यांचा प्रवास अर्जेंटिनाने रोखला. अटीतटीच्या झालेल्या लढतीत अर्जेंटिनाने भारताला २-१ असे पराभूत करत फायनलमध्ये धडक दिली. अर्जेंटिनाची कर्णधार मारिओ नोएल बारिनोवोने दोन गोल करत संघाच्या विजयाचा पाया रचला. तर भारताकडून ड्रॅग-फ्लिकर गुरजीत कौरने गोल केला. भारताच्या १८ सदस्यीय महिला संघाने सोमवारी तीन वेळच्या चॅम्पियन ऑस्ट्रेलियाचा १-० असा पराभव करत प्रथमच ऑलिम्पिकच्या उपांत्य फेरीत प्रवेश केला होता.