01 April 2020

News Flash

मेरी कोमची विजेतेपदांची भूक अजुनही कायम

जागतिक स्पर्धेचं सातवं विजेतेपद मिळवण्याची इच्छा

काही दिवसांपूर्वी नवी दिल्लीत झालेल्या जागतिक अजिंक्यपद स्पर्धेत बॉक्सर मेरी कोमने ४८ किलो वजनी गटात विजेतेपद मिळवलं. जागतिक अजिंक्यपद स्पर्धेतलं मेरीचं हे सहावं विजेतेपद ठरलं. या कामगिरीनंतर सर्वच स्तरातून मेरीवर कौतुकाचा वर्षाव होत होता. मात्र या विजयानंतरही मेरीची पदकाची भूक अजुन काही शमलेली दिसत नाहीये. आगामी २०२० ऑलिम्पिकसह जागतिक अजिंक्यपद स्पर्धेचं सातवं विजेतेपदं पटकावण्याची तयारी मेरी कोम करत आहे.

“मी पुन्हा विजेती व्हावं हे माझं स्वप्न आहे. त्यासाठी मी मेहनतही घेते आहे. मी ३ मुलांची आई आहे, त्यामुळे साहजिकच माझ्या काही अन्य जबाबदाऱ्याही मला पार पाडायच्या आहेत. याचसोबत राज्यसभेचं खासदारपद मिळाल्यामुळे सामान्य लोकांच्याही आता माझ्याकडून काही अपेक्षा असतील, मात्र या सर्व गोष्टींचा माझ्या सरावात व्यत्यय येणार नाही. ऑलिम्पिक सुवर्णपदकासह जागतिक अजिंक्यपद स्पर्धेचं सातवं विजेतेपद मला मिळवायचं आहे.” एका कार्यक्रमात मेरी कोम बोलत होती. याचसोबत आगामी १-२ वर्ष आपण बॉक्सिंग खेळत राहणार असल्याचंही मेरी कोम म्हणाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 1, 2018 9:52 am

Web Title: want to win a seventh world championship title says mary kom
टॅग Mary Kom
Next Stories
1 भारतासाठी मालिका विजयाची हीच सुवर्णसंधी!
2 फलंदाजांप्रमाणेच गोलंदाजांमधील भागीदाऱ्याही महत्त्वाच्या
3 ‘पोवार पर्वा’ला पूर्णविराम?
Just Now!
X