मार्लन सॅम्युएल्सने झळकावलेल्या एकमेव द्विशतकी खेळीमुळे वेस्ट इंडिजने तिसऱ्या दिवसअखेर ४ बाद ५६४ असा धावांचा डोंगर उभा केला आहे. त्यामुळे बांगलादेशविरुद्धच्या दुसऱ्या कसोटी सामन्यात वेस्ट इंडिजने पहिल्या डावात १७७ धावांची महत्त्वपूर्ण आघाडी घेतली आहे. सॅम्युएल्स आणि शिवनारायण चंदरपॉल यांनी चौथ्या विकेटसाठी १७७ धावांची भर टाकली. प्रत्येक सत्रात घणाघाती खेळी करणाऱ्या सॅम्युएल्सने ३१ चौकार आणि तीन षटकारांसह कारकीर्दीतील सर्वोत्तम २६० धावा फटकावल्या. चंदरपॉल १०९ तर दिनेश रामदिन चार धावांवर खेळत आहे. चंदरपॉलने कसोटीतील २७वे शतक साजरे केले.
