भारतीय क्रिकेट संघाचा माजी अष्टपैलू क्रिकेटपटू युवराज सिंगने सोशल मीडियावर आपला नवा लूक उघडकीस आणला आहे. इंस्टाग्रामवर स्टोरी आणि पोस्ट अपलोड करत त्याने आपला नवीन लूक सर्वांसमोर आणला. हा लूक करताना त्याची पत्नी हेजल कीचही उपस्थित होती. युवराज सिंगने पुन्हा एकदा लांब केसांचे रुपांतर कुरळ्या केसात केले आहे. इन्स्टाग्रामवर व्हिडिओ अपलोड करताना युवराज सिंगने कॅप्शनमध्ये प्रश्न विचारला आहे. लांब केस किंवा कुरळे केस? मला कुरळे केस आवडतात, तुम्हाला कोणता लूक आवडतो?, असा प्रश्न युवीने चाहत्यांना विचारला आहे. हा लूक करताना हेजलने माझ्यावर दबाव टाकला, असेही युवीने सांगितले. View this post on Instagram A post shared by Yuvraj Singh (@yuvisofficial) अलीकडेच युवराज सिंगने सचिन तेंडुलकर आणि अजित आगरकर यांच्याबरोबर गोल्फ खेळतानाचे फोटो अपलोड केले होते. युवराज आता वेस्ट इंडिजचा सलामीवीर ख्रिस गेल याच्यासोबत एकत्र खेळताना दिसू शकतो. हे दोन्ही खेळाडू या मेलबर्नमधील कम्युनिटी क्रिकेट क्लबकडून खेळू शकतात. युवराज आणि गेल यांची क्लबकडून खेळण्याची ८५ ते ९० टक्के शक्यता आहे, असा दावा मुलग्रेव क्रिकेट क्लबचे अध्यक्ष मालीन पुलेनेघम यांनी केला आहे. हेही वाचा - VIDEO : ‘‘जो बीवी से करे प्यार वो…”, चहल-धनश्रीने केली एकमेकांची ‘चंपी’! मुलग्रेव क्रिकेट क्लबने सनथ जयसूर्या याची मुख्य प्रशिक्षक म्हणून नियुक्ती केली आहे. मेलबर्नमध्ये स्थायिक झालेल्या तिलकरत्ने दिलशानने मागील मोसमात या संघासाठी सहा सामने खेळले होते. युवराज सिंग ही ऑफर स्वीकारणार का नाही, हे पाहणे रंजक ठरेल.
