News Flash

इंडिया ‘ब्ल्यू’ संघाचा विजय

कर्णधार युवराज सिंगसह चार अर्धशतकांच्या जोरावर भारतीय ‘ब्ल्यू’ संघाने ‘रेड’ संघावर ११ धावांनी विजय मिळवला. चार दमदार अर्धशतकांच्या जोरावर ‘ब्ल्यू’ संघाने ३४५ धावांपर्यंत मजल मारली

| September 28, 2013 01:57 am

कर्णधार युवराज सिंगसह चार अर्धशतकांच्या जोरावर भारतीय ‘ब्ल्यू’ संघाने ‘रेड’ संघावर ११ धावांनी विजय मिळवला. चार दमदार अर्धशतकांच्या जोरावर ‘ब्ल्यू’ संघाने ३४५ धावांपर्यंत मजल मारली होती. या आव्हानाचा पाठलाग करताना इंडिया ‘रेड’चा संघ ३३४ धावांमध्ये तंबूत परतला. या विजयासह इंडिया ‘ब्ल्यू’ संघाने चार गुणांची कमाई केली आहे.
नाणेफक जिंकत ‘रेड’संघाने ‘ब्ल्यू’ संघाला फलंदाजीला पाचारण केले आणि त्यांचा हा निर्णय चुकीचा ठरला. ‘ब्ल्यू’ संघाचा पहिला फलंदाज ३३ धावांवर तंबूत परतलेला असला तरी त्यानंतर मात्र ‘ब्ल्यू’ संघाने दमदार मजल मारली. अक्षत शेट्टी (८४), मनीष पांडे (७०), युवराज सिंग (८४) आणि धावांची टांकसाळ उघडलेल्या अभिषेक नायर (नाबाद ७५) यांच्या दमदार अर्धशतकी खेळींच्या जोरावर भारतीय ‘ब्ल्यू’ संघाला ३४५ धावांपर्यंत मजल मारता आली.
या आव्हानाचा पाठलाग करताना ‘रेड’ संघाच्या अभिनव मुकुंद (८३) आणि स्मित पटेल (नाबाद ६८) यांनी कडवा प्रतिकार केला, पण त्यांना विजय मिळवता आला नाही. अन्य फलंदाजांची पुरेशी साथ न लाभल्याने ‘रेड’चा डाव ३३४ धावांमध्येच संपुष्टात आला. विनय कुमारने चार बळी घेतले.
संक्षिप्त धावफलक
इंडिया ‘ब्ल्यू’ : ५० षटकांत ४ बाद ३४५ (अक्षत शेट्टी ८४, मनीष पांडे ७०, युवराज सिंग ८४, अभिषेक नायर नाबाद ७५; उमेश यादव १/६७) विजयी वि. इंडिया ‘रेड’ : ४९ .५ षटकांत सर्व बाद ३३४ (अभिनव मुकुंद ८३, स्मित पटेल नाबाद ६८; विनय कुमार ४/७४).

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2013 1:57 am

Web Title: yuvraj singh led india blue make it 22 in nkp salve challenger trophy
टॅग : Yuvraj Singh
Next Stories
1 अर्जेटिनाच्या विश्वचषकाच्या आशा मेस्सीच्या तंदुरुस्तीवर -केम्प्स
2 आशिया चषक हॉकी स्पर्धा : भारतीय महिलांना कांस्यपदक
3 पतीला मारहाण केल्याची हिंगिसविरुद्ध तक्रार
Just Now!
X