Royal Challengers Bengaluru Historical Run Chase: आयपीएल २०२४ चा ४५वा सामना गुजरात टायटन्स आणि रॉयल चॅलेंजर्स बंगळुरू यांच्यात सामना खेळवला गेला. या सामन्यात आरसीबीच्या खेळाडूंनी शानदार कामगिरी करत आपली लय कायम ठेवली आहे. रॉयल चॅलेंजर्स बंगळुरूने हा सामना जिंकून मोसमातील तिसरा विजय मिळवला. यासह, आरसीबी संघाने या सामन्यात एक कामगिरी केली, जी त्यांनी २०१० च्या सुरूवातीला केली होती. गुजरातविरूद्धच्या सामन्यात प्रथम फलंदाजी करताना गुजरात टायटन्सने २० षटकांत ३ गडी गमावून २०० धावा केल्या. हा सामना जिंकण्यासाठी आरसीबीला २० षटकात २०१ धावा करायच्या होत्या. पण आरसीबीने हे लक्ष्य अवघ्या १६ षटकांत १ गडी गमावून पूर्ण केले. विशेष बाब म्हणजे आरसीबीने IPL मध्ये २०० अधिर धावांचे यशस्वीरित्या लक्ष्य गाठण्याची ही दुसरी वेळ आहे. यापूर्वी २०१० मध्ये पंजाब संघाविरुद्ध आरसीबीने ही कामगिरी केली होती. आरसीबीने केलेला यशस्वी लक्ष्याचा पाठलाग२०४ धावा - वि पंजाब, बेंगळुरू, २०१०२१० धावा - गुजरात टायटन्स, अहमदाबाद, २०२४१९२ धावा - रायझिंग पुणे सुपरजायंट, बेंगळुरू, २०१६१८७ धावा - सनरायझर्स हैदराबाद, हैदराबाद,२०२३ हेही वाचा-IPL 2024: विल जॅक्सचे दणदणीत शतक अन् कोहलीची फटकेबाजी, आरसीबीने गुजरातवर मिळवला मोठा विजय आरसीबीने आयपीएलच्या इतिहासातील सर्वाधिक चेंडू राखून मिळवला विजय याशिवाय आरसीबीने आयपीएलच्या इतिहासात सर्वाधिक चेंडू राखून यशस्वीरित्या लक्ष्य पार केले आहे. २०० अधिक धावांच्या लक्ष्याचा सर्वात जास्त चेंडू राखून विजय मिळवणारा आरसीबी हा आयपीएलमधील पहिला संघ ठरला आहे. आरसीबीने २४ चेंडू शिल्लक ठेवत २०१ धावांचे लक्ष्य गाठले. तर मुंबई इंडियन्सने याआधी २०३ मध्ये २१ चेंडू शिल्लक ठेवत विजय मिळवला होता. २०० अधिक धावांच्या लक्ष्यांचा पाठलाग करताना सर्वाधिक चेंडू राखून विजय मिळवलेले संघ२४ चेंडू - आरसीबी वि जीटी, अहमदाबाद २०२४२१ चेंडू - एमआय वि आरसीबी, वानखेडे २०२३१५ चेंडू - डीसी विरुद्ध जीएल, दिल्ली २०१७१२ चेंडू - एमआय वि एसआरएच, वानखेडे २०२३ हेही वाचा- IPL 2024 : ‘सामन्याआधी मला कळलं मी ४ नंबरवर फलंदाजीला उतरणार, पण…’, पहिल्या अर्धशतकानंतर शाहरूख खान काय म्हणाला? विल जॅक्सचे शानदार शतक या सामन्यात विल जॅकने शतकी खेळी खेळली. त्याने ४१ चेंडूत नाबाद १०० धावा केल्या. यादरम्यान त्याने ५ चौकार आणि १० षटकार मारले. त्याचवेळी विराट कोहलीनेही संघासाठी मॅचविनिंग इनिंग खेळली. कोहलीने ४४ चेंडूत ६ चौकार आणि ३ षटकारांसह नाबाद ७० धावा केल्या. तत्पूर्वी, फाफ डू प्लेसिस २४ धावा करून बाद झाला. जी या डावातील एकमेव विकेट होती.