न्यूझीलंडमध्ये वाऱ्याला सामोरे जाण्याचे आव्हान -रहाणे

नवी दिल्ली : आगामी न्यूझीलंड दौऱ्यात सर्वात मोठे आव्हान असेल ते तेथील वेगाने वाहणाऱ्या वाऱ्याला सामोरे जाण्याचे, असे भारताचा कसोटी क्रिकेट संघाचा उपकर्णधार अजिंक्य रहाणेने म्हटले आहे. भारताचा संघ या महिन्याच्या अखेरीस पाच ट्वेन्टी आणि तीन एकदिवसीय सामने खेळण्यासाठी न्यूझीलंड दौऱ्यावर जाणार आहे. त्यापाठोपाठ पुढील महिन्यात न्यूझीलंडमध्ये दोन कसोटी सामन्यांची मालिका रंगणार आहे. ‘‘२०१४मध्ये आपण न्यूझीलंडमध्ये खेळलो आहोत. वाऱ्याचा वेग हा तेथील महत्त्वपूर्ण घटक आहे. त्यामुळे तेथील वातावरणाशी लवकरात लवकर जुळवून घेण्याचे मुख्य आव्हान आहे. विशेषकरून ख्राईस्टचर्चला खेळणे अधिक आव्हानात्मक असेल,’’ असे रहाणे म्हणाला.