Australian Open : ७ वेळा ऑस्ट्रेलियन ओपन स्पर्धा जिंकणारी सेरेना विल्यम्स हिचे या स्पर्धेतील आव्हान उपांत्य फेरीत संपुष्टात आले आहे. सातव्या मानांकित कॅरोलिना प्लिस्कोव्हा हिने १६व्या मानांकित सेरेनाला ६-४, ४-६, ७-५ असे पराभूत केले. प्लिस्कोव्हाने पहिला सेट ६-४ असा जिंकला. त्यानंतर सरेनाने दुसऱ्या सेटमध्ये जोरदार पुनरागमन केले आणि चोख प्रत्युत्तर दिले. या बरोबरी नंतर तिसरा सेट अपेक्षेप्रमाणे अटीतटीचा झाला.पण अखेर प्लिस्कोव्हा वरचढ ठरली. तिने तिसरा सेट ७-५ असा जिंकून सेरेनाला स्पर्धेबाहेर केले. .@KaPliskova comes back from match point down at 1-5 to stun #Serena & reach her first #AusOpen SF. Match report: pic.twitter.com/i1C7xeg2dT — #AusOpen (@AustralianOpen) January 23, 2019 पराभवानंतर बोलताना सेरेना म्हणाली की माझ्या घोट्याला दुखापत झाली असली तरी सध्या मी ठीक आहे. कदाचित उद्या ही दुखापत उचल खाईल. पण पराभवाला ते कारण होऊ शकत नाही. प्लिस्कोव्हा खूप छान खेळली आणि तिने मोक्याच्या क्षणी गुण पटकावले. "My ankle is fine, maybe I'll feel it tomorrow. I think she played incredible on match points, just hitting lines. I didn't call the trainer out because I didn't feel I needed it." - @serenawilliams #AusOpen pic.twitter.com/9yfHbLWIUy — #AusOpen (@AustralianOpen) January 23, 2019 प्लिस्कोव्हाने 'राऊंड ऑफ १६'मध्येही जोरदार कामगिरी केली होती. तिने त्या फेरीत १८ व्या मानांकित गार्बिन मुगरुझा हिला ६-३, ६-१ असे पराभूत केले होते. तर सेरेनाने अग्रमानांकित हालेपला ६-१, ४-६, ६-४ असा पराभवाचा धक्का दिला होता.
