scorecardresearch

Premium

BAN vs NZ: किवींनी घेतला मॅथ्यूजचा बदला! ना कॅच, ना एलबीडब्ल्यू; विचित्र पद्धतीने बाद झाला ‘हा’ बांगलादेशी फलंदाज

BAN vs NZ 2nd Test Match: बांगलादेश आणि न्यूझीलंड यांच्यातील दुसऱ्या कसोटीत ‘हँडल द बॉल’ या विचित्र पद्धतीने बाद होणारा मुशफिकुर रहमान पहिला बांगलादेशी फलंदाज ठरला आहे.

Bangladesh batsman Mushfiqur Rahim out for Handling the Ball Obstructing the field vs New Zealand 2nd Test match
बांगलादेश आणि न्यूझीलंड यांच्यातील दुसऱ्या कसोटीत ‘हँडल द बॉल’ या विचित्र पद्धतीने बाद होणारा मुशफिकुर रहमान पहिला बांगलादेशी फलंदाज ठरला. सौजन्य- (ट्वीटर)

Bangladesh vs New Zealand 2nd Test Match: नुकत्याच झालेल्या २०२३च्या विश्वचषक स्पर्धेत श्रीलंकेच्या अँजेलो मॅथ्यूजचा ‘टाइम आऊट बाद’ हा चर्चेचा विषय होता. ज्या संघाविरुद्ध मॅथ्यूजला टाइम आऊट बाद करण्यात आले, तो संघ बांगलादेश होता. आता बांगलादेशी संघाच्या खेळाडूंना अशाच विचित्र पद्धतीने बाद होण्याची वेळ आली आहे. ढाका येथील शेर-ए-बांगला स्टेडियमवर न्यूझीलंड आणि बांगलादेश यांच्यात खेळल्या जात आहे. यांच्यातील दुसऱ्या कसोटीत अनुभवी फलंदाज मुशफिकुर रहीम ‘हँडल द बॉल’ म्हणजेच चेंडू खेळल्यानंतर तो हाताने बाजूला टाकणे किंवा क्षेत्ररक्षणात अडथळा आणणे याचा बळी ठरला. खरेतर, ‘ऑब्स्ट्रक्टिंग द फील्ड’ या पद्धतीने तो बाद झाला.

‘ऑब्स्ट्रक्टिंग द फील्ड’ या पद्धतीने कधी बाद दिले जाते? ज्यावेळी फलंदाज चेंडू खेळतो आणि त्यानंतर तो चेंडू जर स्टंपवर जात असेल किंवा एखाद्या खेळाडूला झेल घेण्यात, धावबाद करण्यात फलंदाजाने अडथळा निर्माण केला तर त्याला बाद दिले जाते. जेव्हा चेंडू खेळण्याच्या अ‍ॅक्शन किंवा गतीमध्ये असताना त्याच्याशी छेडछाड करण्याचा प्रयत्न होतो तेव्हा फलंदाजाला बाद दिले जाते. अशाचप्रकारे मुशफिकुर रहीमने कृत्य केले आणि तो बाद झाला. याआधी बांगलादेशच्या खेळाडूंनी आयसीसीच्या नियमांचा आधार घेत मॅथ्यूजला टाइम आऊट बाद केले होते, त्याचा बदला न्यूझीलंडने आज घेतला.

Jan Nicol Loftie Eaton Breaks Kusal Malla's Record
VIDEO : नामिबियाच्या फलंदाजांने झळकावले सर्वात वेगवान शतक, नेपाळविरुद्ध पाडला चौकार-षटकारांचा पाऊस
ICC action on Wanindu Hasranga
SL vs AFG 3rd T20 : पंचांशी वाद घालणं पडलं महागात; श्रीलंकेच्या कर्णधारावर आयसीसीची मोठी कारवाई
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
U19 World Cup 2024 Updates in marathi
U19 WC 2024 final: भारत आणि पाकिस्तान यांच्यात होणार अंतिम सामना? टीम इंडियाला मिळणार १८ वर्षांपूर्वीचा बदला घेण्याची संधी

बांगलादेश आणि न्यूझीलंड यांच्यात खेळल्या जात असलेल्या दोन सामन्यांच्या कसोटी मालिकेतील दुसऱ्या सामन्यादरम्यान ही घटना घडली. प्रथम फलंदाजी करताना बांगलादेशची सुरुवात खराब झाली होती. बांगलादेशने पहिल्या डावात ४७ धावांत चार विकेट्स गमावल्या होत्या. झाकीर हसन, महमुदुल हसन जॉय, मोमिनुल हक आणि कर्णधार नझमुल हुसेन शांतो पॅव्हेलियनमध्ये परतले होते. यानंतर मुशफिकुर रहीमने शहादत हुसेनबरोबर पाचव्या विकेटसाठी ५७ धावांची भागीदारी करत बांगलादेशचा डाव सावरण्याचा प्रयत्न केला.

हेही वाचा: Travis vs Sehwag: “काय मूर्खासारखे प्रश्न…”, ट्रॅविस हेडची वीरेंद्र सेहवागशी तुलना केल्याने अजय जडेजा संतापला

मात्र, ४१व्या षटकात काइल जेमिसन गोलंदाजी करत असताना, रहीम क्रिझच्या आत खेळत होता. कारण, सहा फूट उंचीवरून जेमिसनने टाकलेल्या चेंडूवर फटका मारणे त्याला एवढे सोपे नव्हते. या षटकात आधी बॅकफूटवर बचाव करताना तो बाद होता होता वाचला होता. यानंतर चौथ्या चेंडूवर, त्याने पुन्हा एकदा त्याने बॅकफूटवर फटका खेळला. चेंडू चौथ्या स्टंपपासून खूप दूर होता. त्याने खेळलेला चेंडू स्टंपवर जाण्याची शक्यता नव्हती पण, चेंडू स्टंपला लागण्याच्या भीतीने रहिमने तो हाताने बाजूला केला. चेंडू जर स्टंपवर जात असेल तर त्याला रोखण्याचा अधिकार फलंदाजाला आहे, परंतु यासाठी तो हात सोडून शरीराचा कोणताही भाग वापरू शकतो. क्षेत्ररक्षण करणाऱ्या संघाला किंवा अंपायरना विचारल्यानंतरच फलंदाजाला चेंडूला हाताने स्पर्श करण्याचा अधिकार मिळतो.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bangladesh batsman mushfiqur rahim out for handling the ball obstructing the field vs new zealand 2nd test match avw

First published on: 06-12-2023 at 15:23 IST

संबंधित बातम्या

तुम्ही या बातम्या वाचल्या आहेत का? ×