असं कुठं ऐकलंय का..! क्रिकेटच्या मैदानावर घडली अनोखी घटना; चालू सामन्यात खिशातून पडला फलंदाजाचा मोबाईल अन्…

या सामन्यात अजून एक रंजक घटना घडली, ज्यामुळं हा सामना इतिहासात नोंदवला गेला.

batsman given hit wicket after mobile phone falls on stumps
क्रिकेटच्या मैदानावर रंजक घटना

क्रिकेटमध्ये आऊट होण्याचे नियम जवळपास सगळ्यांनाच माहीत आहेत. फलंदाज गोलंदाजी, झेल किंवा पायचीत, हिट विकेटमुळे फलंदाज बाद होतात. पण मोबाईलमुळे एखादा खेळाडू बाद झाला, हे कधी ऐकले आहे का? पण अशी घटना मैदानावर घडली आहे. आंतरराष्ट्रीय क्रिकेटमध्ये सामन्यादरम्यान खेळाडूंचे मोबाईल ठेवण्यास बंदी आहे. फिक्सिंगमुळे असे नियम करण्यात आले आहेत. पण, ही अशी अनोखी घटना कुठे आणि कशी घडली हे वाचा.

ही घटना नोव्हेंबर २०१४ ची आहे. ऑस्ट्रेलियात झालेल्या ग्रॅम्पियन्स क्रिकेट असोसिएशन ज्युनियर-१६ स्पर्धेदरम्यान ही घटना घडली. युवा क्लबकडून खेळणाऱ्या मार्कस इलियटसोबत ही घटना घडली. संघाचे तीन विकेट लवकर पडल्यानंतर तो फलंदाजीला आला. मात्र मोबाईल चुकून त्यांच्या खिशातच राहिला. फलंदाजीदरम्यान मोबाईल यष्ट्यांवर पडला. यानंतर अंपायरने त्याला नियमानुसार हिट विकेटमुळे बाद दिले.

हेही वाचा – IPL 2022 : आता नो रिटर्न..! मुंबई इंडियन्सनं संघाबाहेर केल्यानंतर हार्दिकनं दिले ‘असे’ संकेत; म्हणाला, ‘‘मी माणूस…”

या सामन्यात प्रथम खेळताना युथ क्लबने ३५ षटकांत ५ बाद १९५ धावा केल्या होत्या. जेसुआ केलीने नाबाद ५२ धावा केल्या. प्रत्युत्तरात यजमान पोमोनल संघाला ५ विकेट्सवर केवळ १३९ धावा करता आल्या. अशाप्रकारे डावाच्या आघाडीच्या जोरावर युवा क्लबने हा सामना जिंकला. पण मार्कसच्या हिट विकेटमुळे हा सामना इतिहासात नोंदवला गेला.

या सामन्यात आणखी एक रंजक घटना घडली. या सामन्यात एकूण ३३४ धावा झाल्या. मात्र यातील १३४ धावा अतिरिक्त ठरल्या. युथ क्लबला १९५ पैकी ६२ धावा एक्स्ट्रा रूपात मिळाल्या. त्यात ३० वाइड आणि २० नो बॉलचा समावेश होता. त्याच वेळी, पोमोनलच्या १३९ पैकी ७२ धावा अतिरिक्त ठरल्या. यात ३८ वाइड आणि २७ नो बॉल ठरले. या सामन्यात एकूण ११५ अतिरिक्त चेंडू टाकण्यात आले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Batsman given hit wicket after mobile phone falls on stumps adn