शास्त्री गुरुजींना BCCI कडून बक्षीस, प्रशिक्षकपदावर मुदतवाढ

४५ दिवसांनी करार वाढवला

भारतीय क्रिकेट संघाचे मुख्य प्रशिक्षक रवी शास्त्री यांच्यासाठी एक चांगली बातमी आहे. BCCI ने प्रशिक्षक रवी शास्त्री यांचा करार ४५ दिवसांनी वाढवला आहे. रवी शास्त्री यांच्यासोबत त्यांच्या संपूर्ण सहकाऱ्यांनाही मुदतवाढ जाहीर करण्यात आली आहे. २०१७ साली रवी शास्त्री यांची मुख्य प्रशिक्षकपदावर नियुक्ती करण्यात आली होती. २०१९ विश्वचषकापर्यंत त्यांचा करार करण्यात आला होता. मात्र भारतीय संघाचं विश्वचषकानंतरचं व्यस्त वेळापत्रक लक्षात घेता शास्त्री आणि त्यांच्या टीमला मुदतवाढ जाहीर करण्यात आली आहे.

अवश्य वाचा – कसोटी अजिंक्यपद स्पर्धेसाठी भारतीय संघासमोर सलामीलाच वेस्ट इंडिजचं आव्हान

बीसीसीआयच्या क्रिकेट प्रशासकीय समितीने हा निर्णय घेतला आहे. रवी शास्त्री यांच्यासोबत सहायक प्रशिक्षक संजय बांगर, गोलंदाजी प्रशिक्षक भारत अरुण, क्षेत्ररक्षण प्रशिक्षक आर.श्रीधर विश्वचषकानंतर विंडीज दौऱ्यामध्ये भारतीय संघासोबत असणार आहे. विश्वचषकानंतर १५ दिवसांनी भारतीय संघ विंडीज दौऱ्यावर रवाना होणार आहे. या दौऱ्यात भारत आपल्या कसोटी अजिंक्यपद स्पर्धेचा पहिला सामना खेळेल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bcci extends ravi shastris contract as india head coach psd